[里約奧運2016] 睇直播不要太TVB

奧運第1日賽事，自己人張敬樂出戰公路單車賽，以及江旻憓喺劍擊項目亮相。

香港人好遺憾，無得揀，只係可以睇TVB嘅電視轉播。

當大家坐定定，等睇江旻憓出賽嘅時候，但係撳勻TVB咁多個台，都只係睇到佢哋直播中國槍手領獎（其實係睇美國拎金牌），江旻憓打成點呢？真係唔知喎……好彩，仲有真心愛香港嘅香港人，第一時間發報喜訊：

至於想睇單車嘅朋友，播播下除咗要焗睇頒獎禮，中途亦被逼睇晒中國女排輸畀荷蘭。張敬樂究竟點呢？等下先啦，打完波先睇啦。(最慘係奧運官方連網站車手排名都無！)

部份朋友就索性去外國電視台網站睇佢哋嘅直播。即係話，例如美國嘅NBC，或者英國嘅BBC都奪得奧運轉播權，佢哋嘅網站有直播視頻，但因為香港用戶受地區所限，所以係睇唔到。有啲朋友因為熟電腦，或者有朋友喺當地，咁就睇到呢啲視頻嘞。不過，喺度都戴返個頭盔先，翻牆睇直播可能會觸犯法律，仲有千祈唔好話我喺度教你呀！

更多：
Fitz.hk Facebook專頁
[里約奧運] #撐自己人 撐本土 香港划艇隊
[里約奧運] #撐自己人 撐本土 香港劍擊隊
[里約奧運] #撐自己人 撐本土 香港乒乓球隊
[里約奧運] #撐自己人 滑浪風帆 鄭俊樑 盧善琳
[里約奧運] #撐自己人 游泳 歐鎧淳
[里約奧運] #撐自己人 羽毛球 伍家朗 葉姵延
[里約奧運] #撐自己人 高爾夫球 陳芷澄
[里約奧運] #撐自己人 馬拉松 姚潔貞
[里約奧運] #撐自己人 香港單車隊
[人人奧運] 丹尼爾 x 黃蘊瑤 與鐵血女車神一盅兩件
[一個傳奇的誕生] 丹尼爾 vs 陳恩能 愛做有意義的事

---