行山利器-超輕背囊 TRAIL XP2 WATERPACK LADY做咩都好,九成靠實力,一成靠裝備。呢個理論好多人都知,不過好似行山釣魚踩單車咁,玩得專業除咗係希望多一成實力之外,仲係對個活動同對自己嘅尊重!
。。。同埋滿足自己嘅購買慾。

尤其是行山裝備,有時好嘅裝備隨時救你一命!
所以喺度同你分享一下我為咗今年毅行而手入的兩項裝備!超輕背囊 TRAIL XP2 1RaidLight Trail XP2 Waterpack LADY
RaidLight 出咗名輕,而呢個背囊係我用過既背囊當中最貼身,設計最細心嘅傳統行山水袋背囊(非背心)。裡面跟一個1.5L 水袋,屬於極度輕便類型之背囊,比短程山路或者有足夠補給嘅賽事使用。

超輕背囊 TRAIL XP2 4要讚一下!設計者非常細心,唔單止配有一條耳機駁長線,等你可以一路行山一路聽歌。超輕背囊 TRAIL XP2 9背囊面更加有一個開口位,比特設水袋把手伸出來,等你可以好方便咁添水,唔會倒到周圍都係!超輕背囊 TRAIL XP2 3背囊底部設置儲物位置,可以比你一路行,一路伸手去攞補給品,呢個設計係非常方便就手!起初怕打開時東西會跌出來,後來使用後發現機會極微。超輕背囊 TRAIL XP2 2胸前設有兩個小袋,比你放多啲補給品。超輕背囊 TRAIL XP2 12仲有個哨子融入咗個扣上面,唔駛一路行一路吊吊揈~!

散熱方面,因為呢個XP2比較細,覆蓋面細,所以唔覺好焗。

由於係XP2嘅關係(有其他更大容量的選擇),呢個袋可以放置物品嘅地方非好少,充水後試過最盡可以放一件褸、少量隨身物品(銀包鎖匙)同少量補給品(power gel,能量bar 等等)。不過對於毅行者嚟講,差不多每段也有補給或support,就已經足夠,更可以防止我帶嘢過多更加負荷!


缺點係,腰間小袋的容量太細,未能放置比較大的電話,例如我部note5 就放唔落嘞~
另外中間位置設有索帶比你綁住行山杖,屬於細心設計,不過其中一條橡筋似乎唔係太穩固,比我一拉就甩咗出嚟。

結論:由物料、造功、以致設計、外觀,呢個背囊都係屬於專業和高質素,可以推介俾大家。

相關資料:TRAIL XP2 WATERPACK LADY
超輕背囊 TRAIL XP2 13

更多:
Fitz.hk Facebook專頁
[欲善其事,先利其器] 行山利器:RaidLight碳纖維可折疊跑山杖!
[Fitz出戰毅行] 給毅行支援隊的信:是你讓我們可以享受痛苦
[Fitz出戰毅行] 毅行的小確幸
[Fitz出戰毅行] 四人八腿首次齊踏麥徑
[Fitz出戰毅行] 痴線,我永遠都唔會行毅行!
[Fitz出戰毅行] 整裝待發 最後衝刺

廣告