[米奇中醫堂] 穴來穴對 睇人唔順眼 眼痛「un」眼都有得針? (絲竹空 與 攢竹)

----- 廣告 Ad -----

老老實實，睇人順唔順眼好見仁見智，所謂各花入各眼，不過如果閣下有眼花眼痛「un」眼唔舒服就真係要攪攪佢架啦!

絲竹空

又名目髎，月髎。不過筆者都係通常用絲竹空呢個名，因為聽落夠架勢堂，哈!

點解叫絲竹空?

「絲竹」，有細竹的意思，多用來形容眉毛；「空」指孔穴。呢個穴在眉尾旁邊，局部有個淺表凹陷，所以叫絲竹空。

開心大發現!

絲竹空除左可以醫眼痛，仲可以醫埋牙痛，一穴兩用，掂!
筆者認為，絲竹空屬於三焦經，呢條經循行係經過耳後腮位下頷角附近，對牙痛多少都有治療的作用。

攢竹

又名小竹，始光，眉頭。

點解叫攢竹?

眉如竹葉，呢個穴喺眉頭凹陷位，係陽氣攢聚集合的地方，猶如新竹，故名攢竹。

治療方面，相對於絲竹空，攢竹係以升清解表為主；當治療眉棱骨疼痛，可取攢竹穴向眉尾方向透刺可以有更好的療效。

米奇醫師為執業女中醫師

原文載於 澤聲中醫