南生圍有「香港人後花園」之稱，呢度有重要嘅濕地，係雀鳥嘅棲息之地；有棄置嘅村落，可以見證早年新界鄉村歷史；有廣闊草地，係市民休憩好去處；有平坦而狹長嘅沿河道路，最啱踩單車同跑步……
而南生圍其實亦貼近元朗市區，由西鐵站去，步行唔使一個鐘。
不過，呢個香港人休憩嘅天堂，近呢幾年都受到各大地產虎視眈眈！
新鴻基喺舊年開始向城規會申請，將南生圍發展成12棟商場（Outlet Mall），面積接近10個香港大球場的草地。若果申請成功，南生圍嘅原始景色將會蕩然無存。
圖片來源: 囉嗦大叔
各位可以做到嘅，就係喺10月21日前，向城規會提交意見：
----- 廣告 Ad -----
- 申請編號：A/YL-NSW/241
- 申請地區：南生圍
- 地點：元朗壆圍及榮基村以南丈量約份第107約地段第8號餘段(部分)、第14號B分段餘段(部分)、第45號、第1740號A分段餘段和毗連政府土地
- 擬議：擬議綜合發展作折扣商場，包括「商店及服務行業」及「食肆」的商業用途、另擬作商業養魚用途的漁塘的「農業用途」、擬議挖土及填土
- 提交意見連結 (在此網站上最底的「提出意見」按鍵填寫資料。)
- 意見範本 (由萬人聯署‧決不讓南生圍淪陷！反對濕地建豪宅，撐到12月18日期限屆滿為止！群組)
- 截止日期：10月21日
夕陽漁塘 (圖片來源: 囉嗦大叔)
當政府、鄉紳、發展商枱底枱面合作之時，高官又話「搬人易過搬貨物」嘅時候，香港嘅郊野極度笈笈可危。無錯，我哋係好無力，但我哋唔會放棄，我哋會用盡每一個機會，去扭轉呢個情勢！
各位，唔好放棄呀！
更多：
Fitz.hk Facebook專頁
[郊野短聚] 元朗的忘憂谷 南生圍
[90後本土遊] 尖鼻咀、南生圍睇雀單車遊
觀鳥看人生
Fitz Hiking 行山
家聯
為何要運動？去公園看看那些四五歲的小朋友，從跑跑跳跳所得來的喜悅吧！勿忘初衷，運動會令人快樂，難道我們都忘記嗎？