香港,彈丸之地,可是仍有不少國際級運動員。

我們有世界冠軍拳手曹星如,有在國際比賽奪獎無數的單車手李慧詩,有在職業桌球壇站穩陣腳的好爸爸傅家俊、四眼妹吳安儀,有曾經打敗羽毛球「巨人」的伍家朗,也有在世界賽車壇佔一席位的本地賽車手歐陽若曦。2017年,香港也出了第一位,到海外參加職業比賽的男子排球員。

這位「香港第一人」,就是陳獻略 Henry,他加盟了泰國職業聯賽球隊「泰國蘭實大學排球俱樂部」(Rangsit University Volleyball Club, RSU VC),為香港的第一位職業排球員,亦是第一位到海外參加職業聯賽的香港人。

圖:RSU VC Facebook 專頁

「泰國菜好好食,不過……」
Henry 坦言,泰國男子職業排業聯賽總共只有八隊,競爭不算激烈,但他仍然十分享受在當地比賽:

喺香港,就算係甲一嘅比賽,都只係安排喺九龍公園(體育館)最入嘅排球場比賽,無觀眾席,要睇比賽就要坐地下。球員想call親朋戚友去支持都唔敢!

而喺泰國比賽,每場波都有三四百人入場睇,我哋可以聽到球迷嘅打氣歡呼聲,相當振奮!而且電視仲會直播!

你打波有球迷捧場,作為球員會覺得受到尊重,同香港嘅情況好唔同!

除了球迷之外,泰國的比賽也比香港排球聯賽更為專業。比賽依例國際規例,有足夠的球證及司線員,甚至配備鷹眼系統。球員可以專心比賽,不用像香港要經常與球證爭拗。

球迷的支持,往往是球員最大的鼓勵。據了解,Henry加盟的新聞,成為了泰國排球壇重要新聞,球會的Facebook專頁,更大肆上載了Henry加盟的消息。而Henry以外援身份加入球隊,也受到了隊友以至球迷的歡迎。

圖:RSU VC Facebook 專頁
RSU VC主場館 (圖: RSU VC Facebook 專頁)



「隊友驚我未適應泰國嘅生活,成日都叫我早啲瞓。而每次比賽,都有球迷搵我哋影相。更試過比賽之後,對面嗰隊嘅隊員專登走埋嚟搵我 Selfie!」

Henry 所屬球會RSU VC 位於蘭實大學內,他平日生活亦圍繞著這個平靜的校園,但是他剛到泰國,仍未完適應當地的生活,到埗一星期就水土不服,要慢慢適應當地飲食。

我住嗰頭平時食嘢真係無乜選擇,只係得泰國菜。雖然泰國菜都好好食,不過只限於最初嗰一個禮拜!

「本地聯賽沒有觀眾席,不過……」
Henry 為了以排球為職業,唯有遠赴重洋,出國加入職業球隊。Henry  之前向傳媒表示,這個決定絕不是為金錢,為的是去圓夢,也更希望藉著他的成就,可以推動香港排球的發展。

他批評現香港有關方面對排球的推廣,相當不足:

我哋 (指 Henry 的母會南華會) 一直都好希望喺中小學推廣排球運動。不過當我們向當局建議之後,佢哋嘅反應就石沉大海。而我哋亦見唔到佢哋會放多啲資源,去推廣排球運動。

唔講學界發展,單係講香港排球聯賽,咁多年嘅比賽場地都只係地區嘅體育館,絕大部份連觀眾席無!不過與此同時,球隊參加聯賽嘅費用就年年增加,至於比賽場館、同埋球證嘅數目,就唔見有咩改善。我哋比賽時,好多時都因為司線員唔夠,就經常要同球證拗個波有無出界!

香港的足球及籃球聯賽,雖未至於全城關注,但市民至少可以入場觀賽打氣,間中也可以在電視或網上看到直播。但是排球呢?印象中在香港舉行的排球賽,就只有「世界女排大獎賽」。

每年在香港舉行的世界女排大獎賽,座無虛席。 (香港排球總會圖片)

這個比賽,每年都有國際級球隊比賽,也吸引了不少商業贊助,比賽也場場爆滿。但市民看過球賽,看過幾位明星級海外球手之後,有關方面又投放了多少資源去培育香港球員,或鼓勵市民去支持香港本地賽事呢?

我們與 Henry 對此同一感受,就是無奈。

事實上, Henry 加盟泰國職業球隊,得到傳媒廣泛報道,無論Henry與我們,也希望他的發展,令香港市民可更關注本地排球發展,鼓勵更多年輕人去歡愛排球運動。

Henry在球隊穿上5號球衣 (圖:RSU VC Facebook 專頁)



「爸爸係三腎跑手,不過……」

Henry爸爸Peter

Henry 的爸爸,就是人稱「三腎跑手」的陳國明 Peter。Peter 經歷過腎病、換腎,之後矢志要跑一場馬拉松。而現時Peter更是馬拉松常客,四出參加海外馬拉松比賽。(見Fitz文章《器官移植 重燃人生—3腎馬拉松跑者 Peter Chan》)

那Peter的長跑故事,又給這位兒子甚麼啟發?Henry 說:

雖然爸爸以前係網球教練,而家鍾意長跑,不過可能因為運動範疇不同,很難去互相指點,所以我同佢之間其實無乜運動上嘅交流,只能各自努力。我打排球咁耐,都只係同佢講過兩次,一次係我打入大專杯決賽,一次就係今次去泰國。

不過,喺運動上,當我覺得有啲低落嘅時候,就會諗起佢後期嘅事 (Peter 換腎之後),我會問自己,點解我好似無佢咁堅持呢?

Henry 說這並不是推動力,而是一種「鞭策的力量」。

Henry,是歌手 (組合R-ice的成員),也是位模特兒 (現今球會也會為他接工作),現在又當上職業排球員,在不少人眼中,可能是「不務正業」甚至是「廢青組合」,而這位爸爸,又會否接受呢?

這次兒子Henry搶著說:

好彩我哥哥係律師!滿足到佢呢方面嘅期望!

觀乎 Peter 在訪過程裡,全程鲜有搭訕,站在一旁讓兒子發揮,感受到他對 Henry 關懷與信任。

也許懂得放手,才是最好的管教方式。

RSU VC Facebook 專頁
R-ice Facebook 專頁

更多:
Fitz.hk Facebook專頁
[逆著風專訪] 導演花天亮 主演羅導謙 他們的馬拉松
《山藝讀本》作者何偉明:行山上癮猶如吸毒
[毅行者2016] 刀片跑手馮錦雄: 我們不是傷健隊伍
Fitz Running 跑步

分享
家聯
為何要運動?去公園看看那些四五歲的小朋友,從跑跑跳跳所得來的喜悅吧!勿忘初衷,運動會令人快樂,難道我們都忘記嗎?