![[滾動吧!] 外景拍攝日01](https://fitz.hk/wp-content/uploads/2015/09/滾動吧-外景拍攝日01.jpg)
9月6日星期日炎熱天氣警告加上紫外線指數超高，一眾車友梗係要把握機會練車啦！
而我哋滾動吧就決定要喺今日進行外景拍攝，去到鳥語花香嘅鹿頸拍攝，不過缺點就係，實在太多車啦！![[滾動吧!] 外景拍攝日05](https://fitz.hk/wp-content/uploads/2015/09/滾動吧-外景拍攝日05.jpg)
![[滾動吧!] 外景拍攝日03](https://fitz.hk/wp-content/uploads/2015/09/滾動吧-外景拍攝日03.jpg)
可惜的是，隊衣仍然未及完成，要著住自己私伙嘢，感覺好似冇咁有隊形。![[滾動吧!] 外景拍攝日04](https://fitz.hk/wp-content/uploads/2015/09/滾動吧-外景拍攝日04.jpg)
![[滾動吧!] 外景拍攝日02](https://fitz.hk/wp-content/uploads/2015/09/滾動吧-外景拍攝日02.jpg)
朝早嘅太陽非常猛烈！好在有Blackness Eyeglasses嘅贊助太陽眼鏡，呢款老板Edmond專程為我哋揀選嘅Model，係除咗保留美觀之外，仲會非常貼近面部，等踩單車做運動嘅時候唔會太多風吹入眼睛！我本人就非常喜歡，你睇成員阿祥戴得幾有型！![[滾動吧!] 外景拍攝日07](https://fitz.hk/wp-content/uploads/2015/09/滾動吧-外景拍攝日07.jpg)
當中有個小插曲，話說成員猩猩一早又火炭出發入鹿頸集合，準備出發時突然非常驚慌！原來佢突然發現自己部Garmin 810留咗喺火炭！仲要係路邊扶手！！！心諗今次渣都無得剩！於是即刻將自己部貴幾倍嘅單車掉落地，然後飆車返火炭。
最後好彩有驚無險，部810竟然原封不動咁放咗係火炭路邊扶手位置兩個鐘以無人發現！要還神了！
另外要鳴謝我哋嘅衝浪女神Ping Ting，為我哋免費擔當一日嘅攝影師！佢非常訓身，直頭成個人訓出車外面為我哋拍攝。。。不過後面嘅警察叔叔似乎唔係好喜歡。。。
![[滾動吧!] 外景拍攝日06](https://fitz.hk/wp-content/uploads/2015/09/滾動吧-外景拍攝日06.jpg)
正式嘅片好快會有得睇，繼續留意滾動吧！
鳴謝：
單車服贊助—Stan Group
眼鏡贊助—Blackness Studio Workshop
更多：
Fitz.hk Facebook 專頁
[滾動吧!] 繼續環台前體能訓練—無間水地獄!
[滾動吧!] 繼續環台前體能訓練—核心肌肉群!
[滾動吧!] 繼續環台前體能訓練!
[滾動吧!] 事前活動第二擊! 重點修理和旅行準備技巧班!
[滾動吧!] 環台特訓第一擊!
Fitz Cycling 單車
