[路權大晒?] 單車友踩去青衣抵唔抵幫?

圖片來源: 慢騎主義Facebook專頁

噚日(星期日)單車組織「慢騎主義」喺Facebook貼咗一單消息，話佢哋嘅單車友，喺星期六係青衣南橋踩車入青衣。活動公開之後，隨即引嚟唔少朋友嘅強烈反應。

以下節錄「慢騎主義」嘅活動感受：

「第一次直接騎車去，還要走上在以為不可騎車的「南橋 」，完全體現單車和汽車一樣是交通工具一種。到達青衣，回望另一邊常常會騎車的青山公路，感覺新鮮，一問下原來不少人從未來過青衣，第一次就獻給單車了，引證單車版圖是「活」的，會因為人的好奇和需求不斷長大。」

「青衣島可以利用單車接駁，絕對是一件好事，代表青衣是城市單車版圖的一部份，不過是否夠吸引成為『日常』單車通道，其中有好多因素，倒如單車用家安全感、汽車司機的認知度……」

不過，駕駛人士真係對踩車上公路好唔滿意，覺得喺公路製造混亂。有人隨即喺「慢騎」嘅專頁留言：

爭論仲引發到其他群組，其中「深井人」群組就有人話：

集中全港嘅駕駛人士嘅「小心駕駛」群組，佢哋嘅反應仲大：

至於Fitz.hk編輯部，大家爭論咗成日都係無答案。大家都覺得單車友爭取使用道路權利好合理，不過事實上有啲道路踩單車，確實又好危險。講下講下，最後有人話：呢個問題同「老婆同阿媽同時跌落海，究竟救邊個先」一樣咁難答。係呀，做人就係咁架啦。

而我哋有踩開單車嘅同僚，都異口同聲話好驚畀車撞，所以要踩車入青衣，一係等佢改善好啲設備（至少劃條單車線），一係就喺北橋踩上行人路囉。

更多:
Fitz.hk Facebook 專頁
[一目了然] 踩車有法咪中招
高階單車路徑分享和注意事項: 大冷
Fitz Cycling 單車