按：Law少11年前第一次參加毅行者，與當時隊友Cherry初相識，自此他們由隊友成為密友。此乃另一個超級勵志的毅行者故事，甚具教育意義。
先借個機會示愛，11月19日是我們第十一個紀念日，
I LOVE YOU
但亦因為毅行者，我們沒有見面，晚上亦到不了一個小同的婚禮，因為那裡最需要自己，就應該去，赴湯蹈火，在所不辭。
----- 廣告 Ad -----
（11月18 12點SUPPORT出發前，先去交低一張卡，好，放完閃）
今天我要說的是三架的士及三個橙的小故事。
（裡面包含唔同隊伍小故事，讓60年後各自回味，預番半個鐘睇）
首先，要多謝港督麥理浩，沒有麥理浩，沒有這條山徑，香港也不是香港。它時刻提醒我值得留下來的原因—成長，在這裡得到太多太多，感謝主。
小林隊
「神奇的」一號
這樣投入地去做支援隊，也是歷年第一次，特別的2016。身邊有十位是新的毅行者，一共五隊。我希望能夠為每一隊真加油，而當中最重要的是小琳隊 #0968，因為這隊有三位新手，隊長也是被迫升職，所以選擇與他們一齊起步，最後陪行78910（超過四十公里），兩點起步，開開心心到東壩，去過都知好大機會無車出要行，然後極順利就出現第一架「神奇的」，沿徒幾多人向我地揮手（冚旗都想截你就知幾絕望，可惜司機趕交更），三條友互相唔識就一車出西貢，然後面書抄埋牌，原來係行家，新朋友講笑話：「同事話參加隔離公司D活動唔驚老細見到咩？」其實愛山人又邊有分。
Fitz 1隊的平行時空 (Merrell Fitz HKMA Team #0203)
一條友喺麥邊迴旋處巴士站餵蚊等家聯，事後先知基斯西貢出嚟經過見到我一支公，原本出去買飯俾LEO仔嗰隊FITZ，跟住突然加插去搵前隊友夏氏伉儷醫生隊。到水浪窩，醫學會支援站就好似沙漠中嘅綠州一樣，螢火蟲一樣咁出眾— 車仔麵檔加粥鋪，每次都覺得神奇頂級超卓。當時已經見到耀榮醫生一個，而姚醫生正在雞公返轉頭搵呢位失散隊友，原來隊友因無水關係極速爆落山，十分鐘夏威Bonnie趕到，「從那天起我不辨別前後」，呢類毅行平行時空係會令隊友之間有怨言，正常。加上醫生隊要追時間，更加有壓力。（聽過唔少故事都係因為搵隊友就出事）
----- 廣告 Ad -----
但當姚醫生冒雨衝落雞公山之後，非常直接咁講出需要，要求換嘢/加水/遞嘢，我真係刮目相看，好似F1入咗PIT，然後技術人員以最短時間配合出發，我好榮幸嚟咗呢度SUPPORT，真係好型，廢話少講，然後第一句同失縱隊友講嘅說話係「你D水泡OK嘛？」真係好MAN。
SUPPORT 錦囊：應該每人預備一個保鮮袋，有咩事嘢食揸喺手，喺斜路可以食
呢度都要讚，家聯同ERIC兩個人兩架車SUPPORT兩隊，已經協調得好好，落哂雨，預期時間唔對路，都完成任務，ERIC仲要棄女友於不顧，好在KAREN都行得唔錯。呢度學識一樣嘢，「四人一條心，SUPPORT都一樣」，四個叉燒飯，四支可樂，無個人化要求都值得效法，呢個係毅行者精神，屎都一齊食，齊心又方便SUPPORT。結果家聯出發去買飯，我留守水浪窩等LEO。
消失了的可樂
水浪窩下坡路有我從未見過的風景，有車嘅SUPPORT嗰種PRO係難以想像，最誇張係一楝人咁高嘅四個膠箱疊埋，一個人用轆車推上去，D準備應該可以住一星期都唔會死。然後有內地隊伍送咗十條蕉俾我，仲聽到佢地話要飲紅牛，我真係未聽過要隊呢隻，果然有文化差異。
Fitz Team #0470
Leo仔嘅隊長阿寶輕輕鬆鬆滑雪咁落咗嚟，早佢地成半個鐘，就開始低頭族，LEO第二個到都有D神情迷惘，一直都擔心佢被三個環台高手CHUR爆，原來都還可以。最搞笑係阿宗，喺度問係咪有兩支可樂（因為WHATSAPP曾經咁樣講過)，突然覺得廿歲真係好細個，心諗你邊飲到咁多？我同家聯係當無件事，（查實家聯爸爸又何嘗唔係漏咗我支可樂呢，哥哥真係幫你唔到，想俾埋你都唔得），呢個教訓都係教做人父母講咗咁就咁，知道未呀家聯？不過阿宗在失望之中又真係非常有禮貌，我欣賞。
途中不斷online check，今年大會做得好好，打名已經出可能嘅隊名，每次打個「命」字，就出何良嗰兩隊「命運自主」，笑咗。一打Fitz又出兩隊，唔使記隊號。
撞到以前唱片公司同事DICKSON同阿正之後，同家聯坐巴士又有小插曲，有架巴士到俾落唔俾上，有乘客躁底鬧咗兩句，司機亦都解釋今日超多人，揸車都好攰，唔記得開門。一個毅行者要完滿舉行，有好多人都出多咗力，致敬。
中間等時間入城門等醫生隊，拎車後做22下掌上壓找數，而公廁仲有蛙人用水喉沖涼嘅奇景。然後喺粥鋪食晚餐嘅時間，睇餐牌餐見到毅行SUPPORT另一錦囊「番薯糖水」，夠熱夠薑夠能量夠醒神。
神級支援SAM哥
唔講我地自己食完粥又唔記得買粥SUPPORT嘅情況，今年ON SITE 揀SUPPORT位嘅策略係，「寧願行多步，好過迫喺路」，城門水塘寧願近車，方便拎嘢，秘密武器超級消防員許培道嚟啦，sam哥第二朝要上東莞一樣到，仲聽到佢有兩聲咳，夏威BONNIE見到sam哥直頭興奮，有回憶有骨鍊，睇住完事後，夏威一啖錫落去SAM哥度，實在HEHE。
姚志鵬醫生 (左) 與Sam哥
----- 廣告 Ad -----
呢個時候，耀榮醫生無啖好食都要搞好腳指嘅水泡。我喺兩個不情願嘅情況之下，聽到姚醫生一句，起碼同我地上針山啦，大佬嗰陣凌晨兩點，而第二日有段通頂慢速7 8 9 10段等緊我，雖然我之前講過話五登大帽山啫。結果半路拎埋耀榮醫生個袋，將手中賣飛佛罐頭桃狂質俾空肚嘅佢，唔使一個鐘就到針山頂，原路散水，相信好多人都想打我，勁阻街，就喺行到出小巴站位，想坐ERIC車返屋企之際⋯
第二架「神奇的」出現落客，半個鐘內城門返屋企，未到五點已經瞓咗。
11月19日
救兵派派
第一件事原來小琳UPDATE唔到個SUPPORT TRACY，佢同爸爸朝早十點半已經喺城門，但係佢地七個鐘後先到，早餐都唔緊要，最煩係袋物質要交收，FB求救，日本毅行隊友估盡地利家住川龍嘅派派應機，去荃灣仲有人接，yeah，唔夠七個鐘我又喺城門水塘出現。
日頭城門水塘最煩嘅係馬騮，代名詞係任性的清道夫，捐入垃圾桶，飛哂D嘢出嚟。生命受好大威脅，有嘢食又隨時炒埋嚟。學黃子華話齋，做司機最大嘅職責唔係揸車，係等揸車。做support都係，等support先係最攞命，望天打卦成為生存本能。
其實出發前見到一個喺NOW工作嘅FB FRIEND主持關於毅行的POST，去到城門已經成間公司喺度拍緊嘢，諗番以前商台881班同事真係幾好，捐款又係佢地，SUPPORT又係佢地，當年我做SUPPORT，仲好記得前輩對臭腳，超乎想像，慘過耶穌洗腳，諗起都回心微笑。另一邊，AIA同事霸咗兩個爐，一路到佢地撤退，D人都未到。
大約四點何良隊到，方公都係輕輕鬆鬆，何亨亦都淡淡定，最驚係何良同DORA，何良定期用噴劑反而無事，DORA小小嘅軟弱已經喺按摩嘅時候表現咗出嚟，有時我都喺度諗，隊友要氹嘅話，我都唔係好識點算，不過何良已經攞到個中間位。
何良 (右) 與Dora
何良隊其實有兩隊
毅行者最奧妙之處，係份軟弱會放大，痛同攰或者身體唔舒服。然後你就會想放慢，跟住又想飲吓水食吓嘢休息吓，坐吓又坐耐d，整理吓嘢，執吓袋，跟住就想瞓吓，合理地去拖一拖。
問題係點樣突破呢種人之常情？
----- 廣告 Ad -----
暫時我覺得係簡單，不帶感情的指令，幾點行、抖幾耐、點做最好，唔A就B，SIMPLE MIND，最好由SUPPORT 去做，因為隊友要同一陣線，SUPPORT就可以做魔鬼教練，之後我就有實踐嘅機會。
當小琳隊由矮腳虎潘潘嘅兩位SUPPORT猛男帶到城門水塘之際，亦收到何良隊退出嘅消息，我都諗如果陪佢地上到針山一轉咁會唔會改變到個結果呢？同時兩隊FITZ都完成，醫生隊25小時，新鮮人31。
ANYWAY，仲有一架「神奇的」同神奇士橙仲未出現，戲肉嚟啦
(待續……，下集講Law少如何一口氣陪行7、8、9、10段)
更多:
Fitz.hk Facebook專頁
[毅行者2016] 32小時感謝之旅
我的第一次毅行者100KM
[毅行者2016] 人生中最寶貴的一課
Fitz Hiking 行山
