----- 廣告 Ad -----
喺17年我參加左第一次毅行，以40個小時左右完成，時間上雖然長，但係我人生中從未想過會完成的事。我知道呢啲機會唔係常有，但好意外地有一次行山 Law少 問到：「今年毅行有冇興趣再去呀!?」
我諗都冇諗答:「梗係行啦! 呢啲唔使問直接填表入啦，hehe!」就係咁今年再次踏上毅行呢幾個月嘅訓練。
初初訓練時，以為自己行過一次成個鐵人28以為所向無敵屈哂機咁款，但你都真係傻西瓜嚟嘅，喺隊入面我係最慢個一個 (呆)。每次練完山一唔係落山後食唔到野，就係落山後食唔到野，好重要要重複兩次，心諗太可惡啦! 次次雞煲次次打邊爐，冇一次食到啲嘢好似淨係陪坐! 好想食呀!
----- 廣告 Ad -----
然而自知天生體質唔係相當好，一上山所有奇難雜症通通出現，胃痛，肚痛，飲唔落水，甚至係要將毛巾包全身，唔包啲汗一濕身，風一吹直接上天堂唔使落返地面，無他種種問題唯有一一去治，我相信做足準備同用時間訓練係會有成果!
所以之後除了頻頻操練每星期有一課操山外，跑街，做 GYM 一個都不少。
以成績就呢個係我行完山食到雞煲張相。
----- 廣告 Ad -----
(利申:我對雞麻麻地，但其實喺心中莫名地行完山雞煲係對自己一種獎勵同成就)
記九月份的一課表現，行麥理浩徑678910段，完成後精神狀態仍十分好，之後仲走咗去食麥記，心裏覺得紮實左好多。
但唔好以為故事就咁完，就可以足夠面對毅行，喺10月頭的圖騰跑訓練，我哋隊按照圖騰舊路線行麥徑345678段，而正正那個星期整個人是疲倦至極，因公司連連夜車，不知身體已經暗藏警號，那天踏上路上走過3至5段身體狀況還尚好，但在第六段時為要趕上等候已久的 support 買了的晚飯，因而接連趕路，追趕時期急速嘅氣喘同停不了下來的步伐，頭腦沒有辦法再想其他，雖然路上有停下來回氣，但那氣喘總停不下來，一切還是先會那個朋友。
但可惜到達目的地，那急速嘅氣息沒有停下，晚飯也冇辦法去吞嚥，冇得選擇只能敗走，我知道自己雙腿是能繼續下去，但身體上身機能完全已不是控制範圍內，飲恨！此一着，讓我明白精神狀態嘅緊要。
雖然往後沒有長課日子，但加緊訓練仍未停頓，為的就是最慢的烏龜要企起身跑起來，備戰到最後當天！
我相信行到最後係會食到雞煲。
喂，隊長等埋呀，行完山食雞煲囉!
撰文: Hinson
Law少呼籲: 今年大家可以直接支持今年毅行隊伍 編號1017 ，或者有興趣就睇下面賣番件Tee:
『築字室』設計師方立一為獅子山精神隊設計一款兩色的隊衣，除了經典『獅子山』及『向高山舉目』墨寶，配合毅行路線圖，加上男女裝前後皆可拼成整條路線，扣除成本後會將捐款全數捐給樂施會，希望打爆籌款數字，首批隊衣預期在毅行比賽前送上。
(注意：28/10 00:00 前的訂購才有可能安排毅行前送衫，敬請留意）
如果你都想繼續支持我地，等大自然親手悉心改變更多人，請你捐款或買隊衣支持我地。
以下係訂購表格，詳細可以了解吓，唔明可以搵 Law少。
>> 更多獅子山精神隊的故事，見《[獅子山精神隊] 一件tee 一個故事》
Fitz連結: https://fitz.hk/?p=106043
更多:
Fitz Facebook專頁
[獅子山精神隊] 黃宗顯醫生Willy 毅行後一年 (毅行倒數23日)
[獅子山精神隊] 鋒哥定波波出場 (毅行倒數24日)
[獅子山精神隊] 遲到正烏龜隊隊友Grace感言 (毅行倒數25日)
[獅子山精神隊] 隊號1017 呢班隊友一年前做緊咩? (毅行倒數26日)
[獅子山精神隊] 今個星期六你嚟唔嚟行山? (毅行倒數27日)
[獅子山精神隊] 友情分水嶺 2017年隊友 Raymond (毅行倒數28日)
[獅子山精神隊] 友情分水嶺 (毅行倒數29日)
[獅子山精神隊] 一件tee 一個故事
Fitz Hiking 行山
