我是刻意採用「事故」而是非「意外」一詞。兩者分別在於「事故」是自己攞嚟而「意外」就是完全出乎意料之外，例如在山上遇上外星人。
「事故」，簡而言之，就是由一連串愚蠢錯誤加起來導致的，例如連日大雨後行山 + 罔顧紅色暴雨警告 + 選擇行澗 + 落去瀑布游水 = 花式自殺。
富經驗新手
新冠肺炎疫情下，港人郊遊次數增加，當中不乏富人生經驗的新手大叔大嬸。不止一次我在山中的 middle of nowhere 遇上迷了路的三伍成群的大叔大嬸向我問路，最恐怖是他們沒有裝行山 app，連目的地距離、爬升高度和方向都係懵嚇懵嚇、柒嚇柒嚇的。只是睇過「慌張西望」介紹便跟絲帶行。現在因為「爆偈」，要找撤退路線。
這類「食鹽多過你食米」叔父輩的 ego 係大L過部貨櫃車，好言相勸，只會換來一句「阿叔做嘢，唔使你教」。我只好用電影《大內密探零零發》裡的一句對白來回應。
----- 廣告 Ad -----
高估能力，低估難度
另一種就是自詡「行山多過你行路」的叔父，年紀「入五」、「登六」，個個以為自己係 Tom Cruise，其實係 Tom Goose。之前我睇過一條死亡實錄片，一名資深行山人仕風球下行石澗。當天水流急湍如尼加拉瓜大瀑布，見他一躍而進激流中，扒了兩三下自由式便消失在洗衣機般的旋渦之中，6小時終在集水區石灘發現該他，惟證實不治。
「年紀大， 機器壞」是不爭事實，不認，不認，還須認。我們已經不再年輕、體能更大不如前、關節都無以前咁聽使。見有大波妹出片乾濕綑時，「鳩衝」出發前先要注意片中部分內容涉及危險動作，需經長時間訓練，務必量力而為，切勿模仿，敬請長者留意。
大媽有少女心，大叔有少男心
現在新來港的大媽除了在公園跳廣場舞外，也熱衷於行山。大媽配大叔就如男士開車時側邊坐條 low cut無戴 bra 的索女，部車即時會多咗兩台 turbo 引擎，是致命組合。我都在山上目睹過大媽大叔的卿卿我我，情景教我想起關菊英和伍衛國的一首舊歌《田園春夢》…..
----- 廣告 Ad -----
條野…衝動，一碌嘢就插落個…..。
當大媽綻放一顆少女心時，大叔的大腦就會由雙腳中間的一碌嘢指揮。大媽要冒險時，當然有大叔來逞強。
其實係我們考牌定係消防考牌
我不會年齡歧視，其實乜L嘢年紀的香港人都有『智將』的。潮流興考牌，人人趕著分享 (定炫耀?) 考牌打卡相，快來嫉妒我吧! 我就在蚺蛇尖遇上一班穿 Converse、兩手揈揈、行街 look 的MK男女第一次行山就打算KO一尖三咀過四灣。最後我成功勸服他們沿路返回赤徑出返西貢搵間文青cafe打卡算了。
但人類總是重複犯錯，往往在準備和裝備不足下向難度挑戰，把自己置於危險當中，考牌不成，更要勞動消防、民安隊、飛行服務隊拯救。救援行動一次難過一次，其實係你考牌定你要消防考牌，考救人牌呢?
死條港女唔緊要呀，死隻貓我會好傷心
前天嗰單港女帶布偶貓上大帽山打卡走失，我真係睇到火都嚟。我知有很多 YouTubers 拍放貓片，但唔該用下妳個死人腦呀 (如果妳有的話!)，唔係隻隻貓都可以帶出街，更何況是行山。能夠帶出街都要全程縛好牽引帶，帶不離手。不過睇你留言話「返屋企換衫先，兩小時後返來再搵」就知妳有幾錫隻貓。好彩，在一班義工和蓮姐協助下，終於尋回 Milkshake。
有時真係唔知啲港女係乜L嘢構造的，明明平時好厲害的，件A5和牛一放入口都未趙已經食得出是什麼級數，三千元一位的 Omakase 都可以出千字文彈L到樹葉都落，佢掃一掃你全身便知你的手錶、包包、穿搭、衣履值幾錢，偏偏有時就會柒出國際。打卡還打卡，都要注意安全。
我知大家一定會詛咒我咁「毒舌」會腸穿肚爛，其實我唔介意，如果能夠令你記得銀行劫匪打劫時的第二句話:
----- 廣告 Ad -----
「當你想逞英雄時，請先想想你的家人。」
香港人無公德心就梗架啦，我樂意上山執大家留下來的垃圾，但我是千萬個不願意上山協助搜索你。
總之，開開心心出門去，平平安安返家來。
