[金SIR教室] 毅行者燃亮了生命

金永強@重金屬 2016-11-25

%e9%87%91sir%e6%95%99%e5%ae%a4-%e6%af%85%e8%a1%8c%e8%80%85%e7%87%83%e4%ba%ae%e4%ba%86%e7%94%9f%e5%91%bd4 一年一度的毅行者終於在上星期日完滿結束。重金屬同學會亦都有不少學員參與其中。當中有幾位學員組成了「重金屬無懼再戰」參加，以30小時10分鐘完成。這幾位學員和我分享了這個100公里旅程的感受。

%e9%87%91sir%e6%95%99%e5%ae%a4-%e6%af%85%e8%a1%8c%e8%80%85%e7%87%83%e4%ba%ae%e4%ba%86%e7%94%9f%e5%91%bd3

(左起) Anne、Harvey、Karen、鈞哥

金Sir：你們覺得今次嘅毅行有啲咩最大嘅收穫？

Anne: 我覺得四個人要連續30小時一齊行，沿途各人可能發生唔同問題嘅時候。大家要一齊互相幫助去解決困難。因為有啲問題本身未必遇過所以需要其他隊員的知識或者經驗去解決。從中學會面對困難想辨法去解決，而且要學識包容同欣賞同伴。最大的得著就應該係四人可以一同經歷100公里的苦與樂，成為將來美好嘅回憶。

鈞：正如大會口號，主要不是做時間，是同行四人的互相合作、扶持、包容的精神，甚至包括支援隊的整個團隊配合。

Karen: 我最大嘅收獲一定係學識點樣去應變我從來沒有遇過嘅情況。練習時我最多都係行咗46公里。所以賽前完全想像唔到100公里係點樣嘅一回事，更加預計唔到自己身體會出現咩狀況。好彩有我三個隊友喺身邊互相幫助，令我每個難關都可以笑住咁過。

----- 廣告 Ad -----

金Sir：沿途遇過啲咩事是印象最深刻？

Anne: 我本身最深刻就係自己在三段拗柴後，支援的朋友即時幫我處理後。自己同隊員同支援組都對未來還有漫長的路而擔心。一路上其他隊員都時時關心我狀況，令我有信心繼續行下去。行到獅子亭向支援隊報平安又即時回應我們。可見支援隊一直擔心我而徹夜未眠。依份情誼令我相當感動。

Harvey: 真係辛苦咗Support team嘅朋友。佢哋由第一晚十點在水浪窩support我們，之後第二朝未到八點就已經在城門水塘準備早餐等我哋。分分鐘連睡覺都冇時間。

鈞：唔止隊友同支援隊，沿途上旁邊別人的關懷援手，好幾次我滑腳，立刻邊上有聲音問候及伸手援助。

%e9%87%91sir%e6%95%99%e5%ae%a4-%e6%af%85%e8%a1%8c%e8%80%85%e7%87%83%e4%ba%ae%e4%ba%86%e7%94%9f%e5%91%bd2 Anne: 總括嚟講毅行唔單止係100公里。由一開始決定參加，四個人已經要一條心去練習。直到最後四個人再加上支援組同心協力咁去完成，完全可以體會到團隊精神。

----- 廣告 Ad -----

毅行者100公里確實是一個很大的挑戰，除了考驗個人的能力，還要與隊友的磨合，更重要學曉自我管理、對自己能力的認識、賽前的安排、情緒的控制及包容的胸襟。相信每隊也有各自難忘的經歷，珍惜、享受每次的經驗，總能為我們生命添上難忘的回憶。

重金屬同學會 facebook專頁

金永強@重金屬

參加長跑活動十多年，是本地長跑活動中堅份子，個人最佳成績: 10公里/33分半、半馬/1小時16分、全馬/2小時50分，曾入選香港精英運動員訓練隊。金教練熱心推廣跑步運動，也是一位搖滾音樂愛好者，希望藉著「重金屬同學會」開辦訓練班，教授學員提昇跑步能力、改善個人身體素質以及避免受傷。