[樂施毅行者] 毅行者的代表人物

Fitz 編輯部 2017-11-17

字縮小字型大小。字重設字型大小。字放大字型大小。

正當你，或你的朋友，踏上了毅行征途。此時，正是好機會了解這個活動。以下這幾位人士，在這幾十年間，直接或間接推動毅行活動不遺餘力!

前港督麥理浩爵士 Sir Murray MacLehose

10個毅行者，有11位都曾經戲言：「麥理浩正衰人，起條咁辛苦嘅路!」各位毅行者要行足100公里麥理浩徑，要講毅行者嘅代表人物，首推落實興建呢條山徑嘅前港督麥理浩。

麥理浩徑喺1979年建立，最初係訓練英軍之用，據講呢位港督亦喜愛行山，唔少路段佢都有行過。而後來有香港史專家推斷，因為當時中英關係好差，麥徑嘅建立，亦係為咗防禦中共入侵香港。

時至今日，麥理浩徑亦係世界上難得一見嘅行山路徑，更被《國家地理》選為全球最佳行山徑之一，與珠穆朗瑪峰基地營齊名。

----- 廣告 Ad -----

毅行者真正的代表人物7

麥理浩徑亦確立郊野公園基本嘅裝備，例如每500米設一標距柱，分叉路口有指示牌。佢亦確立咗英治時期嘅郊野公園政策，將郊野公園列作不能發展嘅地區，以保育香港郊外景色及動植物。今日班高官貴人成日話要將郊野公園剷林起樓，但又保護有錢人嘅高爾夫球場，唔知麥理浩在天之靈，會唔會覺得悲哀呢?

前駐港啹喀沙展Danny Thapa

圖片來源: 樂施會

呢位以前保衛香港嘅前軍人，可以話係香港毅行者嘅創辦人。

----- 廣告 Ad -----

Danny Thapa 70年代末期協助策劃麥理浩徑的路線，亦喺1981年參加首屆「毅行者」。當時「毅行者」係特別為駐港啹喀兵而設的軍事訓練項目，以鍛煉佢哋嘅體能同耐力。

後來，呢項活動成為啹喀兵為故鄉尼泊爾籌款項目。喺97回歸前，毅行者嘅善款為尼泊爾興建咗超過100間學校。

毅行先生陳國強KK

講到毅行者最具代表人物，相信大多數人都會諗到被譽為「毅行者先生」嘅KK陳國強。KK除了係多次嘅毅行冠軍外，仲好積極培訓新手挑戰毅行活動，目的係為咗將行山運動普及，以及幫助樂施會籌款。而佢傳授嘅毅行心法，包括「四人八腿一條心，行到終點開香檳」、「毅行者三個字入面，無一個係快字」，以及「未過第100號標距柱唔好諗住跑」。以團隊合作、享受過程為宗旨，感染唔少人。而KK創辦的毅行教室，每年都培訓不少有實力，有使命的參加者。今年，KK 更向 Fitz 讀者傳授毅行心得。