家有兩拳王—進軍世界

Eva@榮拳館 2015-08-15

Nana 曾海蘭操練左3個多月，辛辛苦苦又痛又喊咁練拳，終於等到今日呢個機會了 – 我的拳王妹妹Nana要代表香港出戰一年一度的世界賽正式進軍世界了。

Nana 曾海蘭今年IFMA Royal World Cup 2015在曼谷舉行，我的世界級拳王老公向柏榮當然要現身Corner Man為Nana出謀獻策和斟茶遞水啦，而我梗係要一齊去做奶媽和按摩師。早幾天8月12日我們跟香港隊已到達曼谷，第一件事便是進行首次過磅，為此個個選手已犧牲了他們的飛機餐，而我亦是照慣例一個人食兩個餐（食埋nana果份唔好嘥）飽到爆，就是因為我，Nana成功過磅了>o< Nana 曾海蘭

Nana 曾海蘭 8月13日大會抽籤結果出來了，香港隊運氣相當不錯，尤其Nana在16強賽程中首輪與另3位選手一並輪空，直入8強，第一場將於8月16日對戰法國選手。雖然有幾日等待比賽，但我們也絕不敢偷懶，Nana依然要努力操練維持身體狀態但又要刻制飲食控制體重；向師父依舊不停吟吟沉沉的為Nana做”腦擊影”，又隨Nana先到比賽場地觀摩其他選手狀態和質素，做記錄做分析；而我就梗係水走走趯趯推油按摩樣樣齊啦（其中一樣最重要又辛苦的正作是幫她食晒所有美味的食物，因她只能吃清淡和高營養食物)。