[渣打馬拉松2018] 純八卦非學術研究調查 留言大檢閱

Fitz「純八卦非學術研究調查」，收回近500位跑友回覆，亦收到了超過150個留言，講述他們的意見及個人遭遇。

大家的留言涉及主辦大會、贊助商、工作人員、義工，以至全港市民，有的留言正面，亦有不少是批評，均期望來年的比賽可更加圓滿! (其他調查結果見:《[渣打馬拉松2018] 純八卦非學術研究調查 結果公布》

1. 個人遭遇
2. 報名及賽前安排
3. 賽事安排及氣氛
4. 飲食、衛生及環境保護
5. 比賽後安排
6. 整體評價

個人遭遇

圖：Wing Leung’s Outdoor Blog

也許是個別事件，但見微知著，也希望主辦大會能了解每位跑手發現的問題，加以改進!

首先是一位在終點維園，到醫療中心求助的跑友遭遇：

由於同行朋友跑半馬，完賽後雙腳抽筋，痛到一步都行不到，我知道朋友沒有即時生命危險，等了大約半小時，才有人送到醫療輔助隊，到達後她們只用冬青膏（按摩膏）幫忙按摩，敷衍了事。期間有心途人幫忙按摩與她拉筋，而數十人醫療輔助隊只顧站立，無視傷者，然後。醫療隊中有一女子，(短髮、帶眼鏡、看似較高職位) 聲稱已經盡心盡力幫忙，安排分流到旁邊的物理治癒區，注意傷者痛到行不到，沒有輪椅，沒有幫助，只有我同朋友夾著傷者行過旁邊!

第一，旁邊有物理治癒站，不算太多人，相信物理治癒能夠應付抽筋傷者，應都較為合適的治療。為何一早不送傷者到那邊？

第二，當時有提問為何沒有輪椅和為何不是你們扶著傷者? 較高職位女士一副不負責任的態度說：「無輪椅呀! 出哂去救人! 我徵詢過你朋友意見嫁，你2個朋友都扶著啦!」

我要澄清一點，她們沒有想扶的衝動，以及沒有徵詢朋友意見!

第三，可以看到的是醫療輔助隊連小事不能夠即時幫到傷者。萬一有更大事發生時，能唔能夠即時幫到傷者呢?

總括而言，希望檢討她們的言行舉止、操守，多加培訓，來年的渣馬會得到更好的醫療服務。謝謝!

最後藉此多謝物理治療人員細心照料朋友，大概10分鐘已能夠按鬆兩腳，能站立與行走!

另外，亦都忠心多謝各大義工，感謝無私的付出，使到我們跑手們在艱難道路上有一點點的快樂! 鳴謝各位主辦單位，來年見!

亦有10公里選手因搞錯起步時間，而慘被DQ!

因為是第一次參加沒有經驗，所有都是跟指示牌方向做，我是第一組，當第一次bipp聲後以為第二聲到第一組起步，點知原來是挑戰組，雖然完成全程，但咁就DQ咗喇! 希望大會可以有廣播通知一下是第幾組出發。 

亦有半馬跑手在賽道中差點撞倒行人：

我參加左半馬2組，在西隧出口開始與全馬2組跑手融合後，跑道上多人到無法用自己速度超前，而且在民寶街及耀星街路口警察突然給與行人從跑道中橫過，場面險象橫生，我也差點兩度與行人及跑手們發生相撞。

還有一位，從宏觀的角度向大會提出一系列問題：

1. 可以在所有賽事都提供容許跑手自攜水樽/水杯的水站嗎? 今年只有全馬有三幾個這種水站。其實很多跑手不介意慢一兩分鐘、但很介意每次比賽用上20隻即棄紙杯。你話回收紙杯，但如果一開始就可以省卻，不是更好嗎?
2. 每項賽事的每一公里都有路牌顯示，很困難嗎?
3. 今年件跑步T剪裁很好，但你知道這種螢光黃很難著得好睇嗎? 下年考慮一下，選用淺藍呀黑呀這類一般人會穿得好看的顏色，可能嗎?
4. 西隧的空氣質素還是那麽惡劣。多年來有認真改善過嗎? (利申，1x年前已經跑過）

報名及賽前安排

圖: Wing Leung’s Outdoor Blog

當中以難報名，改革抽簽程序，以及投訴選手包安排為主。

• 今年領取賽事包安排超級混亂兼浪費時間
• 唔明點解仲寄信，又唔環保，行政成本又高。好啦，收唔到都算，點解唔諗啲方法補救呀？用qr code or email 有幾難？詢問處開得兩格真係夠？排隊吹風都排左成個鐘，點解出左錯但要跑受罰呀？
• 強烈要求日後香港舉辦渣馬，懇請大會在1月裡舉辦！
• 想參加都要靠運氣抽籤，好沮喪
• 係啦，點仲要帶封信去攞跑手包，唔轉用email嗟！`？
• 報名太困難 ,好多練左成年冇得跑 , 幾多人報名幾多人中簽又唔透明，有冇辦法比d真心想跑既人報到名，而唔係留哂比d跑會機構。 仲有，建議其他細節參考廈門。
• 渣打需處理好報名系統，花很多時間處理資料混淆及錯誤
• 少啲公司報名位啦 跑10K見Vtech啲人著牛仔褲 Cross鞋去跑就真係浪費哂啲位
• 可唔可以改回報名制？有冇辦法唔俾連續兩年報咗名又唔到嗰D人報名？
• 渣馬下年開始可唔可以環保D, 唔好再印書啦，上網DL 好唔好
• 希望多些參賽名額

賽事安排及氣氛

圖: Wing Leung’s Outdoor Blog

----- 廣告 Ad -----

由起步時間、賽路安排、參加者禮儀，以至比賽氣氛等等，不少有人提出意見。49個留言，請慢用！

• 用時間分區起步! 呢個好重要，香港人執輸行頭慘過敗家，你跑六個鐘爭上線、五個鐘又爭上線，大佬你早上線快果陣但難為後面快過你果啲要左穿右插搞一輪先過晒你地跑返自己，唔好叫人早啲上線呀，起步前企係度我點知邊個快邊個慢，用完賽時間分區最好，去日本跑過幾次，好多時都起點終點都係果堆人，又好多時間一齊跑
• 氣氛真係差到爆。除左西隧入口，添馬，銅鑼灣有d人打氣之外。
• 覺得跑公路天橋感覺好寂寞冷清，義工好慘在橋上食風，主辦應該安排得好啲，如加插打氣活動，完賽後冇地方被跑手休息下，換件衫都唔得，一味趕人走
• 太早 0545。
• 馬拉松27公里以上，由於跑手太多，跑道很窄，很多跑友已經當步兵，擋路啊！
• 太多步行及急停人士 對正常跑步速度的人造成危險 建議減少每組人數 (利申：今年被編排在十公里五組)
• 希望起步時間可以晚一點
• 眼前一片螢光tee好傷眼傷神／東區走廊沙石勁多，路面不太理想／完賽環保袋穿左，質量麻麻／nike廣告好正好提神
• 入會展路段好窄，衝時間會比人頂死
  好多人停低唔靠左，一排慢行又有，跌一個sub真係多得佢地唔少
• 可否所有組別都遲些開始, 5點幾開跑,對全年唔夠訓的香港人來說,會有生命危險的,知道嗎?
• 我係參加左半馬2組，在西隧出口開始與全馬2組跑手融合後，跑道上多人到無法用自己速度超前，而且在民寶街及耀星街路口警察突然給與行人從跑道中橫過，場面險象橫生，我也差點兩度與行人及跑手們發生相撞。
• 大陸人真係好多，簡體D衫+口音唔正+推人+講野大大氣，見到佢地真係好燥。成個渣馬體驗扣晒分!
• 喜歡入西隧的音樂、終點前的太鼓
  可考慮加多些打氣位，參考外國邀請學校/團體表演音樂，增加氣氛
• 有人自拍阻住跑道，西隧後天橋彎位比較窄塞滿人
• 賽道很擠迫 容易發生意外
• 見到啲大旗L就慶，要DQ佢

圖: Wing Leung’s Outdoor Blog

• 半挑可唔可以唔好再撞班細路，真心好危險，臨尾2km個個都衝，我知我跑的唔快1:5x真係撞到正一正，班細路完全亂跑，左右穿插都算，跑50停50，點避呀!! 又驚撞到佢地，但又趕時間，真係好癲! 快速公路上的””之字””連接坑位，最容易 跘倒。”
• 水站給食物非常足夠， 只是跑手要自律啲不要使跑道上濕曬増加危險。
• 中國人特別多痰，唔理會附近有無人，要吐就吐；鍾意跑步聽音樂o既，唔用earphone 大大聲播有點影響人(播大媽跳舞曲、佛經都有….) ；跑手唔好為影相急停，或者見大會攝影師就突然切線，唔理後面；情侶想拖住手過終點咁sweet，但可唔可以唔好喺窄路慢慢橫行；大會呼籲大家做垃圾分類，垃圾掉返收集區，但好多人以為自己跑步就大哂，隨手掉喺路邊，其實拎住去到下個補給位都唔係咁辛苦啫。
• 21k & 42k 會合位應做嚴格分流
• 所有全碼的實事 應安排在早上早些開跑 ，因每次跑過計時閘口時都趕收工錦，精神壓力好大，十K果堆 應該八時先開始，希望所有全碼的賽事可在最早時間開跑!!
• Too many mainland participants and they are rude and no running manner
• 過完汀九果十零k公路真係太悶，可改善一下
• 有啲跑手（簡體字衫/操普通話）冇乜禮貌叫人幫佢影相囉，勁多跑手亂丟紙杯海綿囉，有啲跑手爬頭頂開人囉
• Suggest to provide signs that show the distance for the next toilet and water station
• 全馬、半馬匯合位置，令全馬跑手由少人變多人阻塞，安排可以好一些，例如用膠條分開兩邊人。
• 好多跑手見到相機位打斜撞埋黎，有時收到腳，有時直接撞到，很多次，跑得很不順，要避突然停低拉筋拍照的跑手、地上的坑洞、還要避搶相機位的人。講極唔聽
• 可否像外地比賽，跟個人最佳時間分組；有參加跑會就比晒佢地入挑戰組!!
• 多謝全馬各水站工作人員,加油牌同夾好既打扮令我跑過睇得好開心。西隧有nike打燈同音樂令氣氛好好多,如果其他隧道都有就好,因為無風景又局爆真係難頂。會展無燈完全乜都睇唔到,其實好危險。
• “全馬一組，超多中國（國語）跑手，可能文化已成習慣，撞人，吐痰（差點中招），路中心自拍，邊跑邊拿自拍杆開Live! 部份路段窄，金鍾灣仔段路爛。跑完人流管制差。
• 總體來說：條賽道某些位已超負荷。可以參考下外國，分時間加分 Wave 讓不同速度選手起步。另可以增加多點市區街道於賽道內以增強賽事代表性。今年除了大量（中國跑手外）很少見到其他國家跑手。”
• 好多參加馬拉松挑戰組都係悠閒跑
• 太多人，太多人停低影相
• 人數太多，有點危險。操流利普通話及沒有品的跑手越來越多，影響整體大會質素。
• 彌敦道唔該唔好放雪糕筒好嗎？我連續兩年見到有跑手喺我前面踩到雪糕筒之後跌低。
• 真係好左好多無manner既跑手，沿途被批踭多過5次，又有D人周圍吐痰，有人D奇裝異服搞到其他跑手要閃避，有人為被影相而做D誇張動作整到其他人（例如無啦啦打開雙臂，搞到我要捐佢格拉底過），有人埋水站突然停低，搞到後面塞住哂，同埋有D人無啦啦大叫嚇到我心都離一離
• 近年渣馬愈來愈多內地人來港參加，他們大多都欠缺跑步manner、不注意跑道上的安全，所以自去年渣馬起，已提醒自己不要跟在內地參加者後面跑，以免跟車太貼。
• 渣馬2018 Nike在西隧播歌、投映logo，提升了跑道上的氣氛，Nike的marketing策略成功了(個人覺得早就應該咁做)。
• 灣仔會展段路太黑，無燈 好危險。Nike 氣氛幾好
• 再分拆多幾組出賽或者減少參賽人數，舒緩開賽塞車情況。
• 太多人忽然間收步自拍，希望大家跑得開心之餘要注意安全
• 好多內地人參賽，不斷吐痰同自拍，討厭
• 起跑真係好迫人，西隧播強勁音樂好好
• 加強西隧通風 , 2017年比今年好
• 挑戰組起跑時間太早了
• 跑到覺得自己好似一班孤兒仔 完全零氣氛 好sad
• 會展果一段路完全無燈咁，有無離譜左啲？如果有跑手睇唔到路跌親，後面收唔切，後果可大可小。
• 衝閘好攰呀!
• 行路既跑手可唔可以自律啲，靠埋一邊
• 可以晏啲開始就好，唔駛摸黑，唔駛唔夠瞓

飲食、衛生及環境保護

運動飲品可否使用環保一點的包裝? 圖:綠惜地球 The Green Earth

以廁所污漕為主要意見，而能量飲品的樽蓋亦成投訴對象：

• 點解唔比攞有蓋的能量飲品? (編按：我都有此一問! 結果我係喺地下執個蓋全程用)
• 第一次參加… 好唔環保，海綿擦一擦就丟，搞到成地海綿！仲有要求報名時可以選擇唔要本書，盡量實行電子化
• 廁所衛生有待改善，不少水杯海棉等垃圾在賽道上容易造成危險
• 我真係好希望大會可以定期檢查下d廁所，冇水沖廁冇水洗手都係其次，我跑全馬本身已經跑到死死下，響西隧前忍唔住去廁所，點知一開門見到成地屎! 份量係一個洗碗盆咁多堆積成山嘅屎! 我即刻關門然後作嘔，之後已經唔去廁所繼續跑，但跑完成條西隧都仲係覺得想嘔同個胃好浪下浪下，我好肯定作嘔唔係我跑唔掂，而係因為見到呢個咁衝擊同無法忘記嘅畫面！跑完西隧再搵廁所去都一樣係個個有屎同沖唔倒廁又冇水洗手，呢樣野對跑手黎講係好大嘅心理同生理影響，希望大會可以正視！好彩最後sub5倒，但果堆屎令我心理陰影面積極大! 如果唔係廁所咁污糟我應該可以跑得更好!
• 起步區的 (廁所)，近崇光位置，已經沒有水沖，裡面有屎，味道勁大，很難頂。要改善。補給很充足，運動飲料包裝很好，便於運動中飲。西隧裡面播音樂，氣氛很好，很熱血，對迎站長坡有幫助。沒有完賽牌，感覺不是親生仔甘，親疏有別。其他很滿意。感謝田總的辛勞!
• 那些食完蕉的跑手，不要随意蕉皮地上，跑步都要有公德心，感謝所有工作人員同差人叔叔。
• 渣馬提供既運動飲品算唔算能量補品
• 尖沙咀的流動廁所超污穢
• 浪費很多宣傳品紙張
• please clean the toilet. please
• 渣馬環保d la，同埋試吓改條賽道多啲平路同入市區，全馬跑手冇咁辛苦，有多啲香港特色
• 排隊去厠所，最好是用銀行 counter 方法， 以起點計，5個厠所一組為一條隊，不會因厠內的人用得久，影響時間外面等侯太長。 中途的厠所都希望用此方法
• 贊水站夠多，夠量。飲品仲已開蓋（細心）。
• 今次嘅水站水源充足，運動飲品亦不太甜，非常好!
• 要設置多啲廁所
• 今年嘅sport drink難飲過屎。(利申: 未飲過屎)
• It’s discovered that the sport drink was not furnished with cap. As I could not consume it at once at water station, I asked the volunteers if they could provide me a cap so that I could bring along the sport drink during my running. However, the volunteers told me that either caps nor not open sport drink could be provided and you could throw it away even I tasted one. In fact, it is only wasteful but it’s also not environmental friendly. Wish this situation could be improved next years…  (大意：見到有未開蓋嘅sport drink，問義工攞。義工唔畀。希望明年可改善。)
• 在指定 CP 如上斜前提供 energy gel 或 power bar，等跑手無咁易撞牆
• 10K只有兩個水站太少
• 見到啲水站完全反感 (啲義工冇意識地盲目咁將啲紙杯扔落水箱，啲紙杯又係個水箱度浮下浮下)，可唔可以參考毅行咁派鋼杯? 又或者提供大支等跑手自己斟? 我相信大部分跑手都唔會話咁樣做妨礙到佢地幾多時間; 仲有，可唔可以俾選手選擇要唔要跑手包? 個紀念牌同刊物好浪費 (至少對我而言). 希望渣馬可以逐漸變做一個綠色運動!

首次在賽道中出現的自助飲水設施。 圖: 綠惜地球 The Green Earth

• 分開男/女厠（40/60） (編按：係咪應該女廁六成，男廁四成?)
• 讚揚tst北京道麥當x開放洗手間比跑手，雖則大會有設置流動厠所，但跑步前想搵個好少少地方舒服下都唔係咁過份啫.. 亞厘士道大x活 直接擺咗個”維修中”嘅牌封鎖洗手間，香港人可唔可以俾啲支持香港人
• 跑到半路唔係成日有蕉食, 啲蕉都幾生sosad
• 電流動廁所 真係超級污糟好核突 參賽人事太多 道路擠迫 香蕉可否不要預先切好？成隻畀啦
  上落太多+半馬啲人塞住晒…不過全香港最大又係佢
• Please reserve some bananas for those who could only finish marathon just within 6 hours.
• 有些沿途補給站的朱古力打開晒，原條裸放在枱上，原本打算拎1至2條作之後補給，但這樣卻令我打消念頭；運動飲品也是如此，尤其在入西隧前特別會想手拎住1包備用，因出西隧口會是比較難走的路段，這時要是手中有包運動飲品會是極佳的推動力。可惜的是所以運動飲品的樽蓋也是全開，想要1支沒開過的也沒有，我覺得這是挺浪費的一回事。
• 渣馬2018好多水站都出現紙杯不足的情況，辛辛苦苦跑到水站只見水但無杯裝，當刻真係多次口渴到灰，有些水站更只得水機，好多跑手唯有以手袋杯裝水飲，好原始feel……

比賽後安排

圖: Wing Leung’s Outdoor Blog

重點：有投訴指取行李後要半小時才可離開維園，而半馬選手要過對面馬路的摩頓台取行李，更是多年來的一大問題。

• 維園醫療服務隊無心救援，無所事事，站立在拍照，態度極差!
• 跑完之後要等好耐先有得出閘…
• 各方面都非常好，唯獨是跑完攞完行李，想去維多利亞泳池，出口封路安排極差。塞人塞左半個小時。
• 沒有分流,三線合一,好Q迫,排隊過關咁 (編按：唔知佢講緊賽道，定係維園離場安排?)
• 半挑戰組跑完要行過對面拎行李，真係夠晒挑戰
• 加設完賽更衣帳篷
• 拎返行李塞人安排好差 但義工們好正 有佢地打氣跑都跑快d
• 今年跑手完跑後，維園既人流管理好差，未能盡快疏導人群。
• 終點維園太擠迫，沒有足夠地方給跑手休息，又沒有地方換衫，家人朋友在軒尼斯道或糖街支持和打氣後，不容易去和跑手匯合，指示嚴重不足
• 跑友回維園後好急小便，要離開跑手等候區離場至找到廁所，由於所有物件在維園，要再入番來，但在門口諸多阻撓，要多費唇舌至入到，跑手跑完急好正常，但竟然去個洗手間都咁難。
• 拎完行李走人，門口嗌哂大聲公同人講銅鑼灣站太多人要行去天后站，行到華仁又有MADAM叫人唔好逼哂去天后站，可唔可以夾一夾先？  我被人踩甩鞋，起步嗰幾K大家都禮讓下啦!
• 出口得一個，一閘人就要等好耐先郁，工作人員啲__ __好無辜
• 田總應效法其他賽事，提供帳幕供跑手賽後更衣，會場附近缺乏洗手間，對女跑手非常不便
• 今年在完賽後的疏導人流安排也是極差，在完賽取過物資及寄存行李後，居然要滯留在該位置超過半小時，當時每個跑手都筋疲力竭希望盡快離開，可是進退不得，加在上烈日當空及夾在汗臭的環境下，真有暈倒的感覺! 希望當局關注這個情況，要是當是再暈倒幾個跑友，情況一定更糟糕!
• 全馬攞完行李仲要塞咗成半個鐘先走到，希望出年可以改變

整體評價

圖: Wing Leung’s Outdoor Blog

• 田總是最X的，你知道嗎!!!
• 太貴
• more gift
• Nike 今年無印衫 (按：指賽後在Tee上印上完賽時間)， 啲贈品都好hea
• 如果其他組別都有完賽獎牌更好
• 1)用email通知取選手包，不必寄信;2)希望10k和半馬都有完賽牌
• 比賽都ok…只是賽前很多配套都很差，信用卡盜用，號碼布錯誤，收唔到信…好多樣野都錯，其實信件到可否學日本，用email send個QR code做法，田總成日話要環保，但寄信係最唔環保及浪費資源…還有，攞號碼布沒有對索取人的證件，又有些職員沒有提提取選手包的人對號碼布及行子牌是否正確…
• 一個嘉年華姐，人咁逼有無資格說得上是什麼大考，玩下笑下就算，無謂上心，這些「障礙賽」認真便輸了。不過田總真係試下放手俾人試下啦。
• 感謝大會和各工作人員!
• Can be better, 好難抽
• 去年提供的大會Tee比今年好，今年的太重 polyester
• 地球真係一個好辛苦既地方
• 人雖多, 整體安排滿意
• 田總搵錢能力很強
• 渣馬好難報
• 希望大會參考日本馬拉松，由取選手包至完賽安排及地點。
• 參賽人數已飽和
• Great! HKAAA Excellent Arrangement
• 渣馬這件跑T很不錯，但很多比賽的跑T質地一般，有點不環保。可不可以跑手需要才訂製，以便減少浪費。
• 應該多d宣傳運動健康，量力而為，每年都有太多人唔舒服
• 如果清場的工作人員在等待時吸煙不要對著跑手感覺較好
• 好攰，但我好enjoy 呀
• 今年大會件黃色衫勁薄勁透, 但離奇好多人都讚。條毛巾質素係參加過幾年最差, 抹地布都好過佢。
• 渣馬氣氛很好! 安排也不錯
• 田總太業餘，毫無專業精神可言。由報名開始極為混亂，數據從不公開，大量跑友抽不到原因成疑，但同時給予個別跑會免抽籤資格，黑箱作業令人可恥。自己一向收不到通知直至收到信才知參與全馬比賽，打亂練習進度。嘉年華規模越來越小，連日本二線城市馬拉松比賽也不能比下去，與推動全民參與理念背道而馳。民間團體所做的遠比當局為佳和熱心，但給工作人員驅趕，影響比賽氣氛。
  灣仔區部分時段非常窄，約9點半多組人引起擠塞。
  請參賽者自律
  攞號碼布混亂，又話講環保，寄信又收唔到，去到要掛隊攞張紙再掛隊攞選手包，點解唔電子化，人地細賽都電子化啦! 咁大個賽仲咁落後，要改變
• 好多謝沿途為大家打氣嘅大家
• 同埋氣氛有進步，但都係一般
• Fitz HK賽前資訊很有用
• 西隧前的打氣對好多人來說可能很激動及鼓舞，但對撞牆中我來講，我只想靜地完成賽事，無跑過全馬的吾好同我講「再難，都只是一條路」
• Love the arrangement
• 田總學吓用email同QR code得唔得呀？
• 希望田總能以專重跑手為目標
• 多謝義工同打氣的市民
• 今年個牌同上年一Q樣，好冇誠意

以上為超過150留言，而小編覺得最精警，就是這位跑友的留言了：

為甚麼別人跑得比我快?

祝 大家下次跑快啲!

更多：
Fitz Facebook專頁
[渣打馬拉松2018] 純八卦非學術研究調查 你有咩想同大會講?
[渣打馬拉松2018] 賽道上見到的二三事
Fitz Running 跑步