[渣馬準備小貼士] 預防疾病篇

個蛋糕雖然好正，唔知比賽前食唔食好呢？

比賽前最忌兩樣野，一係傷二係病，今日就同大家分享下預防比賽前病的小技巧，歡迎大家有好方法都留言分享！

我都算係藥煲一名，成日都會病，每次病都搞好耐先好返晒。一般而言，比賽前因為訓練量的增加，令到身體疲倦，抵抗力下降。而最易中招的一般係傷風感冒、肚痾胃痛、喉嚨痛等，預防的方法大致如下：

平時我無食開d 咩維他命丸之類，不過因應練習強度的增加，而抵抗力的下降，我不時會補充適量的維他命，以增強抵抗力。(進食前建議先向醫生查詢)
飲食方面會食多d有營養的食物，加強吸收維他命。同時亦避免進食生冷／容易肚痾／刺激性食物，凍飲／酒精都建議盡量少飲。
酒精少飲為妙
保暖方面，最近天氣都經常忽冷忽熱，好易冷親，所以要緊記留意天氣情況，盡量保暖。另外，都要注意氣管保暖，以免傷及氣管。落雨亦要考慮清楚是否適合出去跑步，即使淋濕了，亦盡快更換濕衫及沖個熱水涼！
最緊要…早睡早起，養足精神！

圖片來源：http://katrina0604.pixnet.net

----- 廣告 Ad -----

生活於主流社會的邊緣線下，希望用雙腿跑出健康的人生，為生命加添色彩。