A/B餐同一世食麥記的女人同2014年一樣都過左去，2015年要搵嘅係一個肯為我跑的女人，唔係跑數，係跑步。
好多準新娘結婚前都會想盡辦法，淨食肉，淨食菜，淨食水果，淨飲水，淨食減肥藥，務求將自己放入件細一個碼嘅婚紗。效果方面，上身唔講，下身唔講，淨講對手臂，雖然最近又話興長袖婚紗，但我認為今日8/2/2015見證老死Jerry結婚，新婚子阿冰對手臂真係frozen，意思係鎖定喺一支雪條嘅幼度，最抵死係放張減肥前嘅英國婚紗相同減肥後的真人婚紗示範，形成強烈對比，一個字，靚。
無論A餐定B餐，肯亞式特訓定單車籌款代言，喺老公角度而言，如果女人運動嘅汗水係為自己而流（食過雞嘅，都知係走地嘅好）。一個女人仔日忙夜忙，仆心仆命照顧姊妹衫度身訂造，行禮前仲要（化妝師）職業病發作去睇下老爺個妝化得好唔好，呢個老婆點都唔可以let it go la。
好多人誤會左新娘子減肥為自己，錯，肥水不流別人田，老婆索極都係益老公，一個成世食老麥嘅女人如果日跑9km，咁就完美中嘅完美，起碼身體健康足夠對抗垃圾食物。
各位新郎哥，如果你老婆可以為個婚禮，為你嘅面子，日跑9km去減肥，相信第日你有病，佢會跑去醫院；你無錢，佢會去跑數；你偷食，佢都會跑去秤你返屋企，因為佢已經為你戰勝左過半數女人嘅天敵—做運動。
男士們，你又可以為另一半跑幾遠呢？
----- 廣告 Ad -----
至少跑去搵個一個甘心為自己日跑9km嘅女人啦。
Law少 許耀斌
人稱Law少，前電台主持及監製，酷愛體育運動，多次參加馬拉松及毅行者活
動，近年更嘗試進軍三鐵及渡海泳。對於跑步、對於行山、對於比賽，均有深刻而令人動容的看法。著有《原來在沒有盼望 的地方才需要盼望》。