[愛跑不能跑] 來生不做香港人之一

帶頭盔先，這帖內容超偏頗、勁偏激，道德L、大中華膠同愛國L慎入。

每次運毒場例操，衝完intervals後，總有男院友cool down都未做，涼也不沖，便抱鞋挽屐趕著走。他們都有同一個特徵，一係就有條女，唔係就係有個女。一句話『要交人』，先Whatsapps報到完走，之後要像Star Trek般瞬間轉移，仆返屋企。心諗『交人』大L哂咩!

每次聽他們訴說愛跑不能跑之苦時，確係聞者傷心，聽者留淚。這類「人間慘劇」我見過不少，所以之前出賣朋友，寫了[識跑，一定娶一個支持自己跑步的女孩子做太太]。

話須說回來，平衡跑步與家庭的確不是易事，但又不是絕無可能，要睇你是什麼「人」。我工作地方有很多院友，什麼國籍都有，我發現一個奇怪現象，「西人」， 泛指英美澳歐同事，他們一般都能找到工作﹑家庭和跑步之間的完美平衡。相反香港同事就遜色得多。他們不是要放棄，便是要非常『不人道』地去練跑，跑時還要負上千噸重的罪疚感。

人鬼大不同

人: 港人過著好頹的生活方式，最近YouTube有條片叫「香港人下班後的生活」，灰鳩到無朋友。港人經常掛在口邊話返工已經好攰，放工後，不要煩我，我只想binge 看不用腦的CCTVB的劇集如『做完愛 – 回家』和『狼牙棒』。

鬼: 西人有著活躍的生活方式，喜歡運動。我的外籍同事不是什麼expat，大部份都是窮L，日間同樣被身心摧殘。放工後，他們會選擇不用腦但用腳的跑步去鬆弛一下。

人: 工作上要求勤力，即每周工作起碼六十小時，24/7 on duty，可以死，但不可以病，邊有時間做運動。

鬼: 工作上講求效率，即office hours內完成工作，很少磨爛蓆，在「扮工室」OT 搏取勤奮印象分。所以每星期都可以撥一些時間來做運動。

人: 困難比辦法多，所以港人無時間做運動。而且時間極之寶貴，秒秒鐘幾十萬上落，有時間都用來排隊買開倉姨媽傢私或平幾草嘢的朱古力雪糕。

鬼: 辦法比困難多，所以西人有時間做運動。以前在IFC返工，中午港豬同事會上山去「巷九記」排四十五分鐘隊吃一碗要捱罵的牛腩麵。而我就同鬼仔會來個上環至灣仔的tempo run.

人: 生活只係有工作。生活迫人，要7-11保著份工，唔係點儲錢買樓?! 公司炒人時，點都會姑且念在你無功都有勞，帶埋睡袋返工，遲一個月先叫你走。搵食緊要，跑你老母啦!

鬼: 生活不只是工作。問到他們唔擔心搵食嗎? 鬼妹借李+X講過的一段說話答我，站在樹上的鳥兒，從來不會害怕樹枝斷裂，因為她相信的不是樹枝，而是她自己的翅膀。

人: 心境一定受制於環境，認識一位土生土長，攪所謂藝術，扮有品味的老少女，她話適應不到香港生活，只有在法國才感到自在，於是長時間旅居巴黎，她只愛在塞納河畔跑步。

鬼: 環境會隨著心境改變，公司西班牙妹來港工作三年，依然過著她的南歐寫意生活。最愛穿上Salomon 在港島區跑山，愛死香港的郊野公園。

更多：
Fitz.hk Facebook專頁
CV夾張馬拉松證書有無So
[從0到42.195]「起機」十五招
Yiu Kwong Chan＠Fitz.hk
Fitz Running 跑步