[沙田跑友會] 渣馬小貼士—保護寄存行李篇

今日同大家講個故事。

話說…有一年渣馬，大雨到落狗屎咁。結果，係終點附近維園泳池外的瓦遮頭，粗口遍野…

• 大叔A：xxxx，個袋濕x晒!
• 大叔B：xxx，個銀包濕晒呀，xx!
• 大嬸A：點解個電話着唔到ge?
• 哥哥仔A：xxxxxxxxx，成袋野裝晒水，養魚咩!

(以上對話純屬虛構，如有雷同，唔係巧合)

發生咩事呢? 跑完隻馬大家應該好開心先係?

原來因為當日落狗屎，結果行李、參賽者和大會義工一齊，係維園照頭淋，有行李仲要濕住係地下的水氹仔。今次我地先唔講大會可以有咩改善，無論大會咩安排都好，我地都有責任去好好為行李防水，保障自己財物。而且最重要的係，跑完有件乾衫換，仲要有得影相打卡!

大會雖然有行李袋提供，但係點解都會入水呢?

原因好簡單，因為大會行李袋的設計唔係防水，加上部份跑友的行李袋口無紮好，所以就入晒水養魚!

睇左咁耐都係想知有咩解決方法姐!

行李寄存防水法

1. 防水儲物小袋
市面有好多唔同牌子有出防水儲物袋，由2L到20L都有(再大都有)，仲有不同厚薄物料，價錢都合理。可以分開幾個不同尺寸的防水袋仔，放下衫褲，又放下電話銀包等，既可防水又可以為物品分類，都幾方便。

2. 防水背包
除左防水儲物袋外，好多戶外用品品牌都有出不同類型的防水背包。有d會類似防水儲物袋的外型，使用厚身物料加上揹帶，簡單方便得黎又做到好好的防水效果(但係一般無咩間隔和設計可言)。亦有行山型的防水背包(一般間隔較便於使用)，甚至休閒外型的防水背包(一般外型設計較好)，各式其式。

購買時記緊留意物料防水的程度，亦要睇清楚拉鏈和物料縫合位置是否亦可防水及防水程度。有部份背包的拉鏈即使是防水，但因縫合位的做工並不是防水，而影響背包整體防水效能。此外，要留意背包的整體防水程度，是防潑水還是防水，是有分別的。

3. 垃圾袋包妥背包
如果仍然擔心的話，再於背包外包多一層垃圾袋就更安全!

當然，最好是使用完全防水的背包，但平衡返價錢及實際使用，其實一般情況下：

使用防潑水物料的外袋，加上完全防水儲物小袋(厚料)放貴重物品，再加薄料的防水袋放替換衣物，再於外袋之上加垃圾袋包妥(如大雨情況下)，最外層加上大會行李袋，並紮好袋口，就應該都幾穩妥。

沙田跑友會 Facebook 群組