小弟都跑左幾年 (2012—今年，都跑左4年) ，今年都有幸 (同勉強有力) 跑足三隧三橋，見到大家對廁所都好L有意見，又開心另文share下自己所見。大家都繼續講多啲，拋磚引玉下比田總知。
利申: 全馬二組，真係喺馬師道見住回收車轉入嚟等客既慢腳
關於大小二便
----- 廣告 Ad -----
- 廁所唔夠多，係不爭事實，順序係得奧海城 (6間)，南昌站 (好似2間)，昂船洲大橋青衣端 (2間)，汀九橋折回點 (2間)，下一個已經去到九龍!
- 都有d人係喜愛露出既，奧海城對開 (過左奧運站，4k)，昂船洲大橋青衣端 (12k，明明隔離有2間藍色屋仔) ，長青隧道前 (23k) ，都有人小便 sosad
- 我去過3個廁所，係一個不如一個：
- 奧海城係還好既，然後美孚既已經見到地下有一督屎 (!)，好彩隔離有個冇人用，都勉強用得落 (都有少少屎，不過係冇洗手水)
- 西隧前好衰唔衰又唔急，過左海先急! 心想得番5k忍得住 (平時西營盤行去維園，都唔係好遠姐)，又忍唔到，去到龍和道前迴旋處，真係要去，結果又係一堆屎 (但真係冇力行一級樓梯，頂住都要) 。X你，想洗手就見到洗手盤有堆水，啡色既，有少少固體漂漂下，癡L線架，崩潰ed，即刻走都走唔切呀~
關於飲食
- 啲香蕉都幾生，雖然見到有del monte貼紙，比d風吹下，仲硬! 有啲站係會老早1分2比跑手，真心係sweet既 (我試過個頭撕開條蕉，係失敗既)
- 汀九橋見到成班人好似番大陸迫巴士咁，怒搶香蕉，然後後面全馬二組主車群去到，只能食蕉皮
- 南昌站去程係水站準備唔切 (我已經去到最後張枱)，個個怒搶杯，呀叔都幾惡咁叫等下
- 今年係有自助水機，但個個擺水站最後，鬼睇到咩
- 大家食野手尾真係麻麻地，半路又見有杯又有gel袋，仲要見過中線有塊海綿 -_-
- 水站幾十米內都係痴立立
賽道所見
- 1030後，開始出太陽，空氣又好差，番到九龍已經見到好多步兵
- 真係唔少大陸人跑，我對大陸人冇咩offence都好，都想問場比賽有幾多名額比左佢地? (我唔介意佢地黎跑既，有d仲幾跑得! 但明明好多香港人等足一年都報唔到嘅時候，可唔可以比番多d位我地先呢?)
- 個個都好趕住收檔，雖然全馬二組係全個比賽最後一組 (雖然開跑唔係最遲) ，有d站係冇乜水飲，啲 helper 又好收工 mood 咁
- 搽腳 <神油>可能一年先用一次! 有個 AMS 女仔話 <下次又要十年後先拎出黎用>。究竟支野擺左幾耐?
- 另外佢地要 mark 牌布 (應該係做統計用)，有個站大大聲聲讀BXXXX，真係咩面都冇
- 睇片，幾乎今年馬師道冇咩放水拉閘 (上年1252先拉)。其實有d唔公平，我上線上得慢，咪好易被DQ?
Helper / Sponsor
- 有唔少 helper 真心要讚，公路馬一向氣氛差啲，但唔少都幾落力打下氣
- 有啲孤兒位，得一個半個 helper 做毒L個d，有打氣既都覺得超 warm
- 剔號做左兩年 sponsor，好過交叉好多，最少衫唔臭，沿路做打氣 ad，甚至西隧裡面都要讚下 (雖然聽唔到佢播乜)
- 大會人員(穿 Marshall 褸個d) 在賽道上個樣，好多都黑過墨豆
- 番到維園回回氣，但1330已經冇得做物理治療 sosad
關於大會…….
- 我係拎慈善名額入場既，今年大家都知變左 <郵差叔叔送信純熟迅速> (仲要寫明係佢地收到信時間，唔係計郵 chop)。咁都係要hi，但冇計，想玩就博下，點知話得 SMS 通知 (係咪唔L識用email?) ，結果一直冇收到 SMS，又冇過數，都打定輸數。結果後來我手痕查下，又有牌布number，但又半個月冇過數，打去 hotline 竟然話有牌布 show 到就係得，結果31/12先睇到過左數，咁都得?
- 我仲要得50日時間準備個全馬，你當我係超人?
- 有冇考慮半馬 /初馬都整番個牌? 都係叫六X珠寶 sponsor 既姐
- 搞左咁多年，我又唔想話田總冇努力冇改善，有啲野都唔係佢責任 (好似 credit card 被偷，佢都係買人 service) ，但總覺得係<業餘> (雖然佢有名你叫) ，始終係香港代表性賽事，又係 Gold Label，可唔可以抄考下人地好既野呢?
- 點解咁多年仲係叫 <渣打香港馬拉松>? 人地台北都係叫 <台北渣打馬拉松>……
編按：其他跑友對渣馬意見，見《[渣打馬拉松2018] 純八卦非學術研究調查 你有咩想同大會講?》
----- 廣告 Ad -----
更多：
Fitz Facebook專頁
[渣馬Q&A] 跑完第二日 唔想痛到死可以做咩?
[伸展教學] 渣馬後記……秒殺酸腿! (有片)
Fitz Running 跑步
小K
小K - 快成為中佬嘅男仔，跑得動就是幸福