跑步流流長 總會遇上幾個人渣

圖片來源

前晚喺運毒場跟幾位湖南大媽在1,2線赤腳散步，踱完步行埋一邊做甩手操。旁邊有班囡囡在做 cool down 和拉筋，我當然狼昅啦。昅吓昅吓，竟然給我聽到佢地提起我。

囡囡A:「有無睇Fitz個陳伯寫啲嘢，幾中幾好笑架。」
囡囡B:「好好笑咩，唔覺喎! 佢寫埋哂啲垃圾。咪呢啲人渣寫10個必追港 · 跑女的理由引哂啲狗公嚟跑步囉。」

我聽到火都來，即刻上前同佢地駁火。「我唔寫，係人都知你地正架啦。我唔寫，呢個世界都係有狗公架啦。關我L事咩!」

我當然無咁做啦，不是我沒有『吉屎』，而是她們講得有啲道理，好有可能因為我，發揮像「鳩假期」一樣影響力，引了好多狗公去跑場。

跑步流流長，總會遇上幾個人渣。又點止我一個呢。

所以，囡囡們，要懂得保護自己,「身」﹑「心」﹑「網」不受傷害或滋擾

刀疤不是戰績

圖片來源

先從身體講起，有一次練跑是從運毒場跑出街練8K tempo run，跑完回到運毒場時見到一位 ctse 膝頭損哂，手掌都擦傷流血。

我毫無同情心問:「做乜嘢做韓國總統『仆正街』呀? 做錯咩嘢要跪玻璃呢?」
Ctse:「我係俾條仆街 (名詞) 累我仆街 (動詞)，有條L人嫌我跑得慢，阻著佢，從後面推我。」

圖片來源

----- 廣告 Ad -----

這種無品行為極之普遍，除了日常練跑時出現外，發生最多是在比賽的時侯。事關比賽時，跑友們要爭取奧運出線資格，是搏L哂老命的，係打 Rugby 唔係跑步。當賽道上全都是「唔留手」師兄師姐時，唯有自求多福，各安天命。

試想當他們操 goal pacing 時，喺街度連老人家﹑小朋友﹑孕婦﹑傷殘人仕﹑猫狗都不放過，覺得他們阻L著哂時，係正式賽道上，佢地會點對你吖。

刀疤對蠱惑仔來講是戰績，但對囡囡來講唔係囉。比賽同練跑時，一 pair 或幾個人一齊跑 (不阻礙其他人情況下) 令自己不會成為 easy target。

喺地球跑步，係好很危險

圖片來源

我應該係 (除非唔係) 第一個寫囡囡跑步安全守則，詳見於《喺地球跑步，係好很危險》，不想再重複內容，我只想提重中之重的重點。

第一，Facebook 可曬靚相﹑滴汗照，但不要打卡，不要 post 有路線和時間的 screenshot。總之透露妳的跑步行蹤及習慣越少越好。

第二，盡量搵人一「喜」跑，男朋友﹑老公﹑契哥、契弟、大姨媽、大姨丈、豬朋、狗友﹑野蠻同事﹑隻兵都得。再唔係坊間有不知多少運動品牌攪的跑步活動，還可以參加訓練班﹑有口碑的團跑﹑地區跑團﹑PM A神等等。但絕不贊成喺 Facebook 群組約人跑，我試過約張相係條索女的谷友出來跑，妖! 點知係條姓「死」的肥仔嚟嘅，DKLM。Having said that，我 Facebook profile 幅相都係用咗吉隆坡 KOL Nancy 個張。

迫不得已要單拖跑時，揀多人跑的路線，不要太夜跑，跑時最好不要戴耳筒聽歌，妳要十分警覺，確保能聽到周圍發生了什麼。如果係唔聽會死的話，那就把音量調校到能讓你聽到周圍聲音的音量。

圖片來源

第三，經常變換跑步路線。等「有心人」『捕』你唔到，總之就係『好難捉摸』。「有心人」往往會針對一直在相同時間出現在相同地點的囡囡。

關於出post 的，我想說的其實是……

圖片來源: 歐陽靖Facebook

看圖不解釋。

在谷內，我會建議「跑還跑，都話唔好貼相咯(指自己的玉照，貓狗除外)」。我是可以用 abnormal psychology 解釋的 (我知 DSM-IV 無寫)。自己的 Facebook 當然無問題，你應該清楚自己 add 了什麼人。

圖片來源

另一單是囡囡渣馬前出 post 半馬揮手區，cyber stalker 睇到原來大家都是第一槍。Cyber stalker 的能耐是估你唔到的，他可以有能力喺幾萬人之中找到你。事件中囡囡給他在臨上馬獅道天橋找到，跟著一直跑在囡囡身旁，講很多「讚美」說話，囡囡點甩都甩唔到佢，入到維園時，cyber stalker 想有身體接觸，問可唔可以捉著囡囡的手衝線，真係同你好L熟呀。

大錯配

圖片來源

Runner’s World文章連結: My Race Attire Is Not an Invitation for Rape

毒L們，read my lips: 跑 步 結 良 緣 要 隨 緣。

等我先分享個案一則，我呢啲由 gym 食女食到跑場的人渣，經驗豐富。我喺跑場度留意到一個充滿少女味道的中女，慢慢由打招呼到廢噏，漸漸稔熟起來，一次練習結束時落大雨，大家走到看台避雨，順便 cool down 拉筋。於是我上前搭爹，傾得十分投契。這時有條仔走過來跟中女說「約咗人，走先嘞。」

我口快快問她:「原來XX係你細佬呀?」

中女答:「我好大架喇，佢係我個仔。我想跑步減肥，搵阿仔來陪我。」(唔好怪我，佢老母就充滿少女味，唔知典解佢個囝囝就佬味十足)

我即時乜都縮哂。所以，男女有別，女生參與跑步活動原因只有一個「我要 keep fit。」男生千祈唔好諗多咗。

圖片來源

來到學術部份，我喺馬料水讀屎片時，師傅曾給我看一些 date rape 研究資料。研究發現成因許多時是雙方對於訊息理解的不一致，特別是男生會錯誤解讀一些訊息。例如，女生穿著性感是代表某些含意。所以，我聽過有囡囡 post 自己夏天烈陽跑正常跑步裝束相 (梗係sports bra 啦，唔通樽領咩?!)，之後收到一位男跑友 PM 大批愛情動作片相片。我O L哂咀之餘，即時記得師傅提醒將會去水飯房 placement 的女 CP 穿密頭鞋，不要穿露趾鞋，arousal 呢家嘢，好難講架。

Runner’s World 早已經有相關討論。Wearing Her #Whorepants。這樣穿純粹是功能性大於一切，跟男生穿「白梯」背心無分別。

圖片來源

更恐怖是該男跑友透過女跑友在 Facebook 上載的路線 screenshot 去鎖定她常練跑的地方，仲係個度「捕」著，跟蹤她，造成纏擾。但男跑友是專業人仕，深諳法律，用「條路你架」，「乜咁啱嘅」係犯法呀，會俾差人拉架去開脫。

你或許會話跟下啫有幾閒啊? 我以前的想法都是一樣，直到我的 ex 同我講公司樓下有 stalker，我掉以輕心，叫她不要理佢，無癮時他自然會消失。原來無形的心理恐懼是很可怕的，可以拖跨你，她差不多精神崩潰，最後要辭工兼搬離屋企一段時間。

你可向信賴的人尋求協助， what if?

圖片來源

What if 你喺商場被人滋擾，你同佢講「你再煩我，我搵『食蕉』架」，然後他跟你說「唔使搵嘞，我就係『食蕉』」。