[柴古唐斯括蒼越野賽2019] 完成已不簡單的賽事

每一個攞著呢塊完成牌既，對腳都一定同我一樣，無既佢一定係shortcut番來!

除左4-5年前因工作，要不時往來上海、廣州、深圳外，其實我都好少返內地。但今次有機會番國內比賽，真係要多謝 Salomon 同 Suunto 俾機會我上去開下眼界，真心估唔到國內賽事可以咁有規模，比香港不少賽事都搞得更要好。

因為Salomon 贊助之比賽，好難得可以來一張中港台 Team salomon 大合照 (左至右) 鄧國敏(中)，閂龍飛(中)，小弟，Julia，Karen，周青(台)，Janice

柴古唐斯越野賽成為近年國內最火熱既比賽之一，相信是因為2017 Salomon 教父帶一班 international Elite 來舉辦精英訓練營有關，例如，香港好熟悉既國內好手鄧國敏，就係2017精英營出來既精英跑手。所以柴古唐斯能吸引不少高手參加，好似 Hayden Hawks (ITRA 923，CCC，Lavaredo 冠軍)，祁敏 (2018 CCC 亞軍，HK 100紀錄保持者)，姚妙 (2018 CCC 冠軍，HK 100紀錄保持者)，賈俄仁加 (2018 OCC 冠軍)………etc 可見精英雲集，比賽含金量極高!

可以集到 ITRA 總3 – Hayden Hawks 郵……正呀喂

比賽簡介

按圖放大

今年比賽有3個組別，分別為110km，80km 同50km，有近2500人參加! 而小弟一向穩陣，由於怕人生路不熟，又驚水土不服 (因為我係勁易肚痾既人)，所以我決定先體驗下50km，玩過一次之後先再挑戰再高里數。而最後，我都覺得我決定係無錯……HAHA

註:今屆柴古唐斯越野賽的完賽率: 110km: 38.7%、80km: 33.3%、50km: 87.2%，所以話完成已不簡單!

賽前會場佈置及race pack安排

會場佈置唔錯，氣氛亦好好，而簡介會就有一眾精英跑手在台上分享

大會取 race pack 及簡介會位置，位於臨海體育館。會場佈置得唔錯，氣氛亦好好。簡介會邀請左一眾精英跑手在台上分享。好認真，好有規模……真心讚!

Gear Check 十分認真，要經過5,6個關口，工作人員會攞著個Checklist 同你逐樣對

----- 廣告 Ad -----

一如好多國際賽，都是要先 Gear Check 後先可再取 race pack。而 Gear Check 亦十分認真，要經過5、6個關口，工作人員會攞著個 Checklist 同你逐樣對，缺一即叫你走……好嚴格，好認真同我上年去過既 UTMF 有得揮。過5關斬6將後……終於攞到 race bib，而手帶會即時幫你帶上避免你找替腳。

手帶會即時幫你帶上作記認，避免跑手找替腳。

比賽日

80、50km起步時間為6:30am，大會指定的酒店5:30am安排了巴士接送跑手到起點

當日不停下雨……預左都係爛地戰一場! 如果要簡單咁講賽道係點，就四個字: 先苦後甜。頭半程主要為攀升較多，後半程為下坡為主，只要留到力係落山衝，就可以賺番好多時間，所以建議大家可以選擇留前鬥後。而我當日比賽算是成功，在頭半程排名為73，最後在後半程追番近30名!

先苦後甜. 頭半程主要為攀升較多，後半程為下坡為主

頭半程28km

上長城前有一段幾長既天梯要上………攰

一開始4km為平路跑，圍繞著名的江南長城跑一圈，風景好靚

一開始4km為平路跑，圍繞著名的江南長城跑一圈，之後入山後，主要為攀升較多，而且中間混集爛泥地，濕滑青苔石，跑起上來都十分費力。特別在12km之後，路況都幾差，啲爛泥地跣到PK………老實講著乜鞋都無用，我自己都跣左幾次，全身都係泥。有唔少人都要「屁降」，pat pat 落地 sir 落去……而熬過頭20K左右，狀況就會好好多，慢慢會多啲可跑性較高既路段，頂到28K既 CP 就一天光晒!

國內跑手稱之為「屁降」

爛泥路，一步一跣，真係想快都快唔到

----- 廣告 Ad -----

你想快都快唔到，只可以小心亦亦慢慢跑留到後半先再追時間

CP飲食

CP 飲食比想像中好好多，比起好多香港賽事. 直情是豪華

來之前，我最擔心的就係CP飲食，因為我係勁易肚痾既人，驚水土不服。所以我賽前係準備晒自己食物，但估唔到 CP 飲食比想像中好好多，甚至好過好多香港賽事。最後，我揹上身既 power bar 一條都無食過……白白揹左全程。

又牛肉薯仔湯，又鏝頭……..伙食堅係好好

後半程23KM

熬過頭半程就一天光晒

熬過頭半程就一天光晒，多番好多可跑性較高既路段，特別最段9km，就好似跑大帽山波波一樣再加D 石樓梯，可以全速9衝落去，嬴番時間就靠呢一段……..香港跑手發揮既好時候，個段路我都追過左唔少跑手!

正呀……跑波波…..係時候9衝啦

係樓梯呀!!!! 飛雲，機會來啦……..飛呀…..界呀!!!!!!

落山後，就係馬路一直隊多4k左右就衝線到終點! 而最後既路線 setting 好有心思，最後衝線前300m係入村路段，好有氣氛，左右兩旁既途人不斷為你打氣……感覺十分興奮，有啲 UTMB 衝線 feel。

就係咁，我用左7個鐘左右以44名完成了51.5km 的賽事，總算安全完賽。

最後300m 好有氣氛，左右兩旁既途人不斷為你打氣……..渣有渣有!!!

----- 廣告 Ad -----

越過最後呢個城門……就係終點……完啦….CLS 架!

賽後虛榮

頭80名衝線的跑手可以得到特別版的紅色虛榮戰衣，是即場打印名次上去

最後真係好彩追番上來，趕及頭80衝線，因為原來頭80名的跑手有好多正野。首先，可以得到特別版的紅色虛榮戰衣，是有專人即場打印名次上去。之後再有專業攝影師為你影大頭沙龍，嗰一刻即係覺得自己成個人Elite 左……hahahaha

頭80名衝線的跑手仲有專業攝影師為你影大頭沙龍…hahaha

跑完之段,我覺得自己好噁心，希望可以清洗一下自己

虛榮完之後，我定個神望一望自己……我感覺: 我覺得自己好噁心，係一個壞左既人，我只希望可以俾我時間，盡快清洗一下自己……如果咁番酒店，我怕酒店會 blacklist 我，唔俾我入房。

其他完賽福利

完賽者都可以得到 Salomon finisher vest (正呀…) 同完成獎牌

大會 Slogan: Born to be wild ，無呃_你……個賽真係幾WILD

仲有可以自已upload相，製作証書( DNF都可以)

小知識

“柴古唐斯” 起源於台州本土方言—— “柴給你吃” (揍你一頓)，寓意為柴古括蒼越野賽強度大、難度高，跑完全程後的感覺就猶如被狠揍了一頓，戶外越野圈更是戲稱其為“拆骨躺屍”。

資料來源: https://bit.ly/2Up1X9y

柴古唐斯括蒼越野賽 大會官網 

Fitz連結: https://fitz.hk/?p=118279