[郁民教室] 5個練跑前的準備

[郁民教室] 5項練跑前的準備 1 雖然話跑步好簡單，換對跑鞋就OK，不過為咗減少受傷機會，都要少少準備。以下五項可能係常識，但仍然有老手會忽略：

1. 練跑前飲食
最好就係跑之前1-2小時前食嘢，令食物有時間被身體吸收，亦唔會跑跑下會支持唔住。而跑之前食嘅食物，最好係以容易消化為主，可以係碳水化合物 (米飯、粉麵)，但唔好太多肉類同埋太油膩。

2. 飲水
跑之前飲水，可避免身體除於缺水狀況。

3. 如廁
去乾去淨先去跑，你都唔想因為內急打斷你跑步嘅雅興丫嘛。

4. 洗面
洗面有助身體降溫，喺暑天時份，可以令你跑步時唔會過熱，甚至中暑。

咁曬咁熱，跑之前洗下面有助降溫。

----- 廣告 Ad -----

5. 熱身
適當熱身有助將肌肉提升至運動狀態，減少受傷機會。

熱身動作可參考以下短片：

不過，跑前做咩準備未必最重要，最重要都係「的」起心肝！肯換對跑鞋落街，已經係成功嘅一半，下次想去跑嗰陣，盡量記住以上5點啦！

我哋坐唔定、無時停，唔做運動唔舒服! 只要係有用知識、重要資訊，以至好玩話題，Fitz都會全力搜羅，同時鼓勵「郁民」齊齊參與，打造一個開放嘅運動生活資訊平台。