[渣馬20周年感動呈獻] 救救小的的

每年渣馬，都有無數嘅「小的的」無辜受害! 有見及此，「血滴子同鄉會榮譽主席」兼發明家沙灘，決定挺身而出、造福世人，聯同專業團隊經過長年累月嘅研究，終於成功開發驚天地泣鬼神、前無古人後無來者嘅劃時代產品！而家只欠你嘅支援，就可以進入最後投產階段，一click即睇以下介紹短片，如果你都願意向「小的的」伸出援手，免受生靈圖炭, 睇完後請Like同Share，令更多人得知呢個消息!

(特別鳴謝 blogger PingTing、Jeanne、Francoise、Erwin、Florence、原少風、夏威、Bonnie以及所有相關協力單位，為「救救小的的」出咗一分力。血滴子，一個都嫌多，請立即行動!)

正經講，話說從前有位叫做「沙灘」嘅跑手，喺2015年1月25日第二次參加渣馬全馬，希望做到十科（Sub 4），打破自己紀錄。

點知，去到32Km左右，佢雙腳嚴重抽筋之餘，心口仲出現兩大行紅色血跡……自此之後，沙灘哥再唔係沙灘哥，佢已經搖身一變成為跑界家傳戶曉嘅人物:「Mr.血滴子」!

2016年渣馬，沙灘再度出戰，佢今次當然會有所準備，一齊去片睇睇：

根據一般醫學常識，心口呢兩行血跡，就是因為衣服與皮膚，經過長時間磨擦而受傷流血。而乳頭皮膚極為幼嫰，極容易受傷。大家可以採用以下的預防方法：

1. 減少磨擦：搽上凡士林等潤滑劑，以令皮膚與衣服間的磨擦不會令身體受傷。
2. 隔絕皮膚：在敏感地方（如乳頭）貼士透氣膠布。而避免因比賽流汗而甩掉膠布，可貼多幾塊。
3. 高度保護：戴Bra
4. 斬腳指避沙蟲：除咗上衫，咁皮膚就唔會有磨擦 (根據渣馬賽例，所有參賽者要著上衫)

更多：
Fitz.hk Facebook專頁
渣馬專區@Fitz.hk
[鋼鐵之意志] 渣馬令我決心有「砍掉重練」的勇氣—激鬥前篇
[鋼鐵之意志] 渣馬令我決心有「砍掉重練」的勇氣—斷筋中篇
[鋼鐵之意志] 渣馬令我決心有「砍掉重練」的勇氣—醒悟後篇
沙灘@Fitz.hk
Fitz Running 跑步