當「兵」的理由

馬拉松的季節來了

踏入跑季，好多比賽開始接受報名，有10k、半馬、全馬、接力賽、山路賽⋯

對於平時跑開10K左右的跑友，往往覺得半馬、全馬遙不可及，但有無諗過將路線分拆上市呢？

早排樂壇有三部曲引起大家熱話，當中內容涉及男主角「做兵」。

而在跑步上，做兵往往會令到有部份人不屑…

步兵—即是在比賽途中，不是一直在跑，在身體或體力出現狀況時，選擇步行完成賽事

或者大家受到呢一句影響：

「至少到最後我都沒有用走的」– 出處來自村上春樹《關於跑步，我說的其實是……》

我初馬時，亦堅持自己用跑的方式完賽，不論是7分速、8分速也好，也是受到呢句話影響。

但經過一年來幾場戰役，明白到一點：

只要完成賽事，不論跑也好，行也好，甚至爬⋯

所以，當有跑友6分幾速，已經跑到15、6K時，也不敢上半馬，我會用分拆方法，令到佢有信心上市(馬)～以半馬為例：
分兩段，每一段為10K＋500M

如果以7分速跑，第一段10K用了70分鐘，之後步行500M(5分鐘)回氣，拉下筋，共用咗75分鐘。

第二段用相同速度，7分速跑10K，步行500M(5分鐘)回氣，共用咗75分鐘。

兩段加起來：

21K用咗150分鐘，即2小時30分。

呢個時間，接近大部分比賽的完賽時間，而且，7分速已經係好保守的估計了。

至於全馬，亦可分四段，一樣係：

10K(7分速)+500M(5分鐘) x4次
42K共用咗300分鐘，即5小時

對於本地一些嚴謹的賽事，完賽時間有點剛剛好，但一些海外比賽(如：大阪、名古屋女子馬拉松⋯）大多數6小時至7小時完賽時間，一定可以完成的

當然，唔可能在沒有訓練的情況下，走去比賽，而且全馬要確保有足夠體力之下，能連續跑走5小時。

我想指出的是，我們身為街坊跑手，參加馬拉松的目的唔係快過別人，是挑戰自己，能夠每一次比之前稍稍有進步就滿意了

完成比賽 你已經是一位馬拉松完成者

有人會問：

半馬唔係齊頭21K喎？
全馬仲有嗰0.195呢？

當大家去到呢個位，閉上雙眼衝過去啦

更多：
曼谷。漫漫跑
[澳門劃一圈] 不進步也如何
我喜歡在整個城市還在睡的時候，偷偷變強的感覺
722其他文章