在最安全的地方斷大脾骨

躺在床上的就是 HNR 成員Chris。

比標題黨更標題黨的標題，旁人看來是藝高人膽大，事實聽過 HNR跑步團 成員Chris 的現身說法，該是藝高神膽大。

同 Chris 相識好一段時間，第一次已經聽佢講信仰見證，往後在信仰組不時見面，家住馬鞍山，不時跑個半馬練習，後來知道他與 Fitz 及 HNR 結緣，例三練跑，在公在私在神都應該找呢隻 fit 馬嚟做獅子山精神隊 support，並肩通宵走過九、十段衝終點捱眼瞓。

但想不到一週後就傳來 Chris 跑半馬斷骨好大鑊的消息，換著其他人實必愁雲慘霧，但主內弟兄卻有另一番滋味，傷病有時來自生活及飲食習慣，Chris 幾年來幾乎茹素又少飲奶、鈣片一律少食，他自我解釋度呢個係骨易斷的原因。

在瑪嘉烈聽他娓娓道來，道行高深，對神信心極大，一般信徒有時誤以為信神免傷免病，但 Chris 卻斷骨都睇到有保守。點睇?

首先，16KM 覺得右腳抽筋異常，同平時所經驗不同，所以已決定棄跑，一直慢步到 18KM 檢查站，簡單治理後，打算站立之際發現右腿受唔到力，尚有時間轉左腳做重心再跌倒，帳柵內醫療人員 (共五位) 即時扶著頭部，然後安然等待白車來臨 (換著我應該痛到暈)，然後白車仲要飛過站由醫護人員即時電碼召回，再到北大嶼山醫院，因為少人更加可以即時治理。

Chris 圖片來源: 威濂臣 William Leung

如果事件在跑步途中發生，後果不堪設想。首先，身體其他部位有機會受傷，突然跌到引致混亂及踏傷機會大增，撞到頭亦危險。當醫生檢查時發現衫褲鞋襪完好，全身無其他損傷已屬罕見。證明一般比賽如斷骨一定接住損手爛腳。

第二，救護必定延遲，第一跑步地點難確認，二來封路，三來更加不清楚附近跑手協助的情況。所以找了一個最安全的地方來斷大脾骨即實屬感恩，神蹟不至此，是神讓C hris 有這麼大的信心才看到神的保守。

每次傷病都是神提醒我們需要休息，抓緊與神相交的時間，康復過後自然另一番光景。運動路途上他與 HNR 的年輕人相交，在出事時他們即時去搵 Chris 及看顧，親如子侄實屬難得，證明 HNR 是有愛的跑團。

Chris 順帶一提：比賽切勿找人代跑，免得有意外，手上乜都無，家人又搵唔到，各位安全至上。