開開心心買新鞋，不過一個唔小心，買咗對唔啱著嘅鞋，心情即刻跌落谷底！買錯跑鞋仲大件事，因為夾硬著隨時令你受傷。
5大原則揀跑鞋，包你如虎添翼：
- 重量：傳說話每輕100克，就可減少1%體力。不過跑鞋越輕，意味住保護程度越少。咁選擇跑鞋時就自己衡量用途。你打算練全馬，下下要操十零廿公里，無理由揀對薄底呀嘛？
- 留意足弓：足弓部份承托唔夠，會直接令你跑時容易疲勞。所以，某些店舖會腳型掃描，可保證買啱鞋。而試鞋時亦要呢一部份。
- 跑鞋性能：一般人將跑鞋分為長途 (指半馬以上)，或短途。不過有人指出，呢個分類方法不切實際，其實跑鞋應該以跑步時間作區分。因為有人要7粒鐘跑全馬，有人3個鐘就搞掂。所以揀鞋時，應計跑步時間，而唔係以距離選擇。
- 試鞋：將鞋穿上，腳踭向後，貼住鞋杯。縛好鞋帶後，趾公與鞋頭有1至1.5厘米虛位，就為之合適。
- 買鞋時間：夜晚買鞋最好，因為夜晚對腳會大啲。
消委會早前亦有為消費者提供買鞋指引：
圖片來源：選擇月刊（按圖放大）
更多：
Fitz.hk Facebook專頁
[郁民教室] 跑鞋濕水點處理?
[郁民教室] 水袋發霉點洗?
[郁民教室] 5個練跑前的準備
[郁民教室] 抵抗酷熱練跑7招
[郁民教室] 運動場踏出「第一步」
Fitz Running 跑步
----- 廣告 Ad -----
Fitz 編輯部
我哋坐唔定、無時停，唔做運動唔舒服! 只要係有用知識、重要資訊，以至好玩話題，Fitz都會全力搜羅，同時鼓勵「郁民」齊齊參與，打造一個開放嘅運動生活資訊平台。