如果以海外馬拉松來說，加上日本這個旅遊勝地，沒有可以更瘋狂的安排了。
沒有食，只有「隊」
沒有等，只有買
沒有唞，只有逛
23/2 一直加碳到夜晚
----- 廣告 Ad -----
星期五，先講加碳，一到埗與馬王Eric喺會合其他人中途已經急不及待喺新宿車站中途先食個咖哩飯，然後決定不會合食自己之時，又再隊一個拉麵，前後無兩個鐘，總之感覺上係驚無下一餐咁食法，喺天下一品最伏係樓上吸煙區，隔離叔叔等麵到嗰種空虛寂寞凍肚餓就如一縷香煙攻過嚟，令我學識多一種比喻同埋要極速隊完走。
24/2 排隊購物至忘餐
第二朝又歎咗杯正咖啡同大早餐，(呢間有鋪頭名，去新宿值得去，咖啡無添飲會後悔)，今日應該係盡量食同休息嘅日子。
但是我地完早餐去排隊拎選手包，再行埋expo，連企連買，足足五個幾鐘，晏晝無食。
買到呆咗
所以跑海外有expo行，請星期五去，唔使排、d嘢未買斷size（想買件2018風褸都無，唯一亮點係見到歐陽靖(女)。
----- 廣告 Ad -----
原來海外馬拉松甚至毅行經驗都係早d有著數，咁先有時間睇選手包入面好嘢，參加更多活動，例如前一日 expo 區有 fun run，有 Seiko 出的完成時間海報提示（我坐足三個鐘喺終點都無做到，發現已經收工，係人咁大嘅海報）
結果因瘋狂 shop 但無乜買嘅情況下連 FOOD COURT 都差d閂，三個人五點買到最後一碟咖哩飯 (無錯又嚟)，我同馬王兩份食，然後又再次擠壓夜晚時間去食兩餐飯。
上面分享圖片呢餐同大阪王將，中間仲夾個酒店浸浴，而以本人行公司一個鐘就攰，行山大半日都唔攰嘅情況下，你就知道幾疲累。
25/2
賽事細節見之前篇文。
值得一讚，09:10起跑，太人道。
----- 廣告 Ad -----
渣馬五點起身，有時候，食完條蕉，未知發生咩事，我就出門口，大約跑五公里度，我會醒。
呢邊就開心好多，七點起身，先隊蕉，浸埋個浴，再隊蕉，再落去食東橫inn大量嘅芝麻飯團做早餐，同埋碗麵豉湯真係無得頂。
臨開跑前仲食咗個300yen 嘅能量蛋糕。隊到僅僅飽我先開始，唯一係好難預著衫，一開跑好多人掉衫，保守估計，六個有一個掉件衫都成5000件，當然沿途有人收衫收垃圾都係奇景。
喺終點完去日比內公園，真係行咗成十五分鐘先到，成段氣氛都好正，反而終點人就好似變咗架車，分流拎嘢。
當然錫紙、毛巾同牌都係好正，俾你帶件超人披風行返去，事實係凍過弟弟。
完成分家屬等候區，即係所有活動範圍都留俾跑手，有最後賣紀念品嘅地方，最重要係一齊免費熱水浸腳，真係太正。
然後又嚟晚上連續兩餐，酒店浸浴前，排骨麵，後就食串燒。
花生位：我地住歌舞伎丁二區的東橫inn，往返酒店都行幾轉，本身見到男公關海報一街都係都不足為奇，因為一d銷售書都有睇過，
----- 廣告 Ad -----
但最得意係我地以為係招待女士，後來下集嘅賞花達人話我知，佢日本老師叫同學們千祈唔好去，雜過Hotel Gracier 嗰邊好多，而且仲係會招待男士，唔怪得之搵個女人都無啦。
跑馬前報告住咁多，下集講跑後好去處。
賣文籌款時間，小弟3月23日隻身到墨爾本參加樂施毅行者，希望能夠在海外好好完成100km路程。
現附上捐款網頁，是非常有心思的網頁，讓你知道你的捐助，實際能在世界幫到甚麼。
更多：
Fitz Facebook專頁
[東京馬拉松2018] 龍珠爆氣式完走東馬
[渣打馬拉松2018] 人生中最重的一場感冒
99% Sub 3的渣馬冠軍 鍾人貴
[我的2017] 做個領袖生
[獅子山精神隊] 致隊員Raymond: 你流鼻血，我流馬尿
山友食飯的九型人格
屋企出發徒步去沙灘?
Law少 許耀斌@Fitz
