[撒哈拉超馬] 第五、六日: 在極地上盡情狂奔

身負重任嘅掃尾駱駝，每日都陪住最後一位參賽者到終點

完賽後選手都會返營幕爭取時間休息，然而酷熱天氣實在令人難以入眠

回到自己嘅營幕，大部份嘅 tentmates 還未返，我嘗試小睡片刻，不過總是睡不酣，不多不少也是掛心佢地嘅情況； 加上時間接近中午，溫度越來越高，就算躲在帳幕裡都感到一份滾熱，確在令人難以入眠。回想起來，這幾天都是在如此高溫下作賽，真的難以相信自己可以逐一的捱過。

Tentmates 陸陸續續回來，第一句說話總是：「嘩！好辛苦呀！」然而雖然大家有不少戰績（傷患），但似乎已被完成賽事所帶來嘅那份喜悅蓋過，整體來說都是精神奕奕。大會亦很窩心，待rest day 下午大部份參賽者回來後大派冰凍可樂慰勞一下各人。大家猶如荒漠遇上甘泉，無不感到興奮，紛紛舉「罐」暢飲一番。未幾大會不停廣播最後一名參賽者將要到達終點，呼籲各人到終點迎接及作出支持。可惜我慢了一步，走到終點前那位選手已越過終點線，最後只能見到負責掃尾的駱駝徐徐地走過。太陽落山後，我們趕快煮食後就很早入睡，希望抖足精神以好好應付最後一日嘅比賽。

見到 sand dunes 不再繞道而過，還要勇往直前

第六天是 Marathon Day，亦係計時賽嘅最後一日，終於可以放開心情唔需要再留力。起步不久，又要走入 sand dunes，但不知為何今日嘅 sand dunes 好像無之前的那麼難，而且還有一種好想行多一點嘅感覺。大抵自己是知道過了今天就要同sand dunes告別，早前凡是見倒sand dunes 都總是盡量繞道在側邊走過，這一日就「明知有 sand dunes，偏向 sand dunes 行」，希望可以盡情的踏過痛快。千里迢迢去到沙漠比賽，如果唔跑多一點 sand dunes，又怎樣對得住自己？這一日天公亦終於造美，送來陣陣涼風；清爽嘅天氣終於令我可以跑得起，加上大部份嘅路都是平坦，這一日終於我可以來一個極地暢快地狂奔！在廣闊不著邊際嘅沙漠上奔跑，感覺真的很浩瀚、很狂野，但同時亦很渺小。人在大自然下，其實真的細如一粒沙塵。要心存謙卑及敬畏，它才會容許你靠近，可以讓你與它共融。

極地狂奔，不知幾暢快！

由起步一刻開始，基本上可以跑嘅路段我都盡情地跑。到終點前六公里，遙遠已經望得見家鄉。我繼續與身邊其他選手一起向前邁進，一口氣頭也不回地直衝向終點。過終點嘅一刻，自己也抑壓不住心中那份亢奮，不停地「仰天長嘯」（皆因壯懷太過激烈吧 . . . .笑了）大會工作人員都守候在終點，向每一位完成嘅參賽者道賀。這天嘅完成時間，亦是眾日之中最好；42公里共用了七個小時多一點，成績相當的不俗。行返營幕，途中經過豎立在路中央嘅區旗，熱血在沸騰嘅感覺相當濃烈。雖然自己不是什麼頂尖嘅選手，也沒有創造什麼佳績，然而能貫徹港人不屈不撓嘅精神完成一場艱鉅嘅賽事，自己已覺得無憾了。

衝過終點，無比興奮

這罐可樂真的令人愛不惜手

舉罐暢飲

----- 廣告 Ad -----

梳洗過後我再返到終點等待其他 tentmates 衝線，看得見每一個選手越過終點時都難掩興奮之色。

Tentmates 陸續到達，大家安頓過後都返回終點等待最後一位參賽者衝線。等至傍晚時份，終於看到最後一批參賽者逐漸步近，大家都用熱烈嘅掌聲以及歡呼去鼓勵他們，隊友們亦從人群中衝出來與他們來個深情擁抱，場面相當感人。大會隨後進行了頒獎禮，還安排 party 讓參賽者輕鬆一番。放下競逐，大家無分國界開懷地又跳又唱；然而自己可能今日跑得起勁，不多不少都有份疲倦，所以還是決定早點返營幕休息。細想起來，來到撒哈拉這幾天每一日都十分有規律，名副其實嘅「日出而跑、日入而息」，簡單且健康；如果回港後都可以這樣就好了。

望住區旗，真的多左一份使命感

最後一批參賽者終於在cut off 前到達，大家都拍掌鼓勵