----- 廣告 Ad -----
![](https://i0.wp.com/fitz.hk/wp-content/uploads/2018/10/獅子山精神隊-Day-21-Photo1.jpg?resize=760%2C571&ssl=1)
(左起) 潘潘、Grace、Wind、阿鈞
一年前點解走去玩毅行?
原因要追溯到再早一年,即係2016年既毅行,當年我同Wind兩個咁岩就倒時間可以上山做 Support。當日預算去城門水塘燒烤場支持下,傾下計,點知上到去剩係見倒 Law少孤身一人企喺涼亭 (當時係第一次見Law少),咁即係點?
![](https://i0.wp.com/fitz.hk/wp-content/uploads/2018/10/獅子山精神隊-Day-21-Photo2.jpg?resize=760%2C570&ssl=1)
準備出發逆走第6段
放低物資之後 Law少就叫我地逆走第6段去搵潘潘,行到金山郊野公園入口附近終於都見倒佢地,我諗當時見倒有朋友 support 應該都有些少感動掛,再同佢地行翻去城門水塘燒烤場,其實天都黑晒,見佢地疲態盡現,一路食飯一路被按摩,加上按摩時悽厲既慘叫,真係我都覺得攰。
----- 廣告 Ad -----
![](https://i0.wp.com/fitz.hk/wp-content/uploads/2018/10/獅子山精神隊-Day-21-Photo3.jpg?resize=760%2C570&ssl=1)
攝於Support回程途中經過既CP6
一直到佢地休息完再起行,Law少問一句:「一齊行埋7,8段?」,當時我即刻縮:「下次先喇。」
一句下次造就下年既第一次
自從上次初次接觸毅行,心入面都覺得人生好似至少要經歷一次先無悔,當時無認真考慮就入紙抽籤,結果係「公開組申請抽籤結果 – 未獲編配名額」,原來辛苦野都咁多人玩。
但係原來抽唔中又唔代表無得玩,只要你身邊有朋友抽中,而佢又邀請你玩,咁就避無可避。當時就係隊長潘潘邀請 Grace,Wind 同我一齊玩,組成隊號1007既隊伍,命中註定我地要一齊挑戰2017年毅行。
![](https://i0.wp.com/fitz.hk/wp-content/uploads/2018/10/獅子山精神隊-Day-21-Photo4.jpg?resize=510%2C680&ssl=1)
隊伍1007組成後既麥徑操練
----- 廣告 Ad -----
組隊之後加入左一班鍾意行山既朋友,由7月開始瘋狂操練麥徑,陌生既麥徑開始變得熟悉,然後日子都越黎越近。正所謂醜婦終需見家翁,無論你練得多與少,到左當日你都要頂硬上。
![](https://i0.wp.com/fitz.hk/wp-content/uploads/2018/10/獅子山精神隊-Day-21-Photo5.jpg?resize=760%2C491&ssl=1)
攝於當日比賽開始前最後一刻
假使世界原來不像你預期
意外就係意料之外,控制得到就唔係意外。我地隊既意外發生喺初段,但正正呢次既意外,更加感受到毅行既果份精神,其實對我黎講唔止當日先係毅行,而係由接受挑戰開始,每一次既練習,都係毅行。
雖然同原來既計劃有出入,但2017年毅行呢一課絕對係寶貴既一課,今次唔得下次再挑戰,正因為咁,我地決定2018年覆桌,希望原班人馬 Full Team 完成。
結果都係不似預期,當你想抽中1隊既時候,你抽中4隊,當4個人既事變成16個人既事,咁只好16個人一齊去達成呢4個人既願望,不過我相信呢個都係一個好好既安排,俾我地4個以隊長身份接受挑戰,令更多人接觸毅行,同時亦都希望獅子山精神隊既「精神」比起我地1傳4,4傳16更加快捷有效。
撰文: 阿鈞
Law少呼籲: 今年大家可以直接支持今年毅行隊伍 編號1017 ,或者有興趣就睇下面賣番件Tee:
『築字室』設計師方立一為獅子山精神隊設計一款兩色的隊衣,除了經典『獅子山』及『向高山舉目』墨寶,配合毅行路線圖,加上男女裝前後皆可拼成整條路線,扣除成本後會將捐款全數捐給樂施會,希望打爆籌款數字,首批隊衣預期在毅行比賽前送上。
(注意:28/10 00:00 前的訂購才有可能安排毅行前送衫,敬請留意)
![](https://i0.wp.com/fitz.hk/wp-content/uploads/2018/10/%E7%8D%85%E5%AD%90%E5%B1%B1%E7%B2%BE%E7%A5%9E%E9%9A%8A%E9%9A%8A%E8%A1%A3%E7%BE%A9%E8%B3%A3-%E5%89%8D.jpeg?resize=760%2C578&ssl=1)
如果你都想繼續支持我地,等大自然親手悉心改變更多人,請你捐款或買隊衣支持我地。
----- 廣告 Ad -----
以下係訂購表格,詳細可以了解吓,唔明可以搵 Law少。
>> 更多獅子山精神隊的故事,見《[獅子山精神隊] 一件tee 一個故事》
Fitz連結: https://fitz.hk/?p=106104
更多:
Fitz Facebook專頁
[獅子山精神隊] 遲到正烏龜隊最烏龜隊員HINSON: 喂! 落山後一齊雞煲! (毅行倒數22日)
[獅子山精神隊] 黃宗顯醫生Willy 毅行後一年 (毅行倒數23日)
[獅子山精神隊] 鋒哥定波波出場 (毅行倒數24日)
[獅子山精神隊] 遲到正烏龜隊隊友Grace感言 (毅行倒數25日)
[獅子山精神隊] 隊號1017 呢班隊友一年前做緊咩? (毅行倒數26日)
[獅子山精神隊] 今個星期六你嚟唔嚟行山? (毅行倒數27日)
[獅子山精神隊] 友情分水嶺 2017年隊友 Raymond (毅行倒數28日)
[獅子山精神隊] 友情分水嶺 (毅行倒數29日)
[獅子山精神隊] 一件tee 一個故事
Fitz Hiking 行山