[向UTMB進發] 由意大利跑到法國 101km的CCC

張思縈 2016-08-29

奧運完美閉幕，曲終人散；內裡存著多少奮鬥及動人故事，帶來嘅那份感覺及感動仍然熱熾；然而很快又要收拾心情，啟程向著法國嘅 Chamonix 進發，參與 UTMB 系列下其中的一個賽事CCC（Courmayeur – Champex – Chamonix）。

終點 Chamonix是個相當美麗嘅小鎮

UTMB（Ultra-Trail du Mont-Blanc）可說係越野界其中一個必去嘅朝聖之旅，賽事分有幾個賽距，包括 PTL (290km)、UTMB (168km)、TDS (119km)、CCC (101km) 以及 OCC (50km); 賽事横跨三個國家，包括意大利、瑞士及法國，並圍著著名嘅白朗峰奔走。自問自己跑越野嘅能力仍屬初階，實在未敢挑戰 168km 嘅UTMB；今次同朋友先參加一個素來應付倒嘅距離 CCC，希望增進體驗後為自己將來進攻 UTMB 之路作好準備。

CCC 起點在意大利嘅 Courmayeur，但我地選擇在賽事終點市鎮 Chamonix 留宿，以便完賽後較易安頓及休息。到埗嘅當兒天氣相當晴朗，萬里無雲，氣温比想像中炎熱，日間時間更高達30 度，對於越野比賽來說確是有點高温。Chamonix 原為一個寧靜嘅小鎮，因此賽事關係集結了幾千名越野跑手，加上家屬、朋友等等嘅打氣團，整個小鎮頓時變得人來人往水洩不通，到處熱鬧非常。到埗後我地先到賽事中心拿取號碼布，大會同時進行 gear check，隨機抽樣地檢查不同嘅 mandatory equipment。附近亦擺設了 expo 售賣不同嘅跑山用品，款式眾多樣樣齊備；如果忘記帶什麼也好，甚至空手而來，亦可以即場購買仍能令選手全副武裝上陣。旁側亦有不少攤檔介紹不同嘅 ultra trail 比賽。只是如果真的要跑畢這裡所有嘅 ultra trail，真的不辭職也不行。

到處都睇到比賽嘅横額、banner

----- 廣告 Ad -----

排隊攞號碼布，並進行了 gear check

賽事日期由當地 8月22至28日，我們到埗一刻已有部份賽事開了賽，所以不時見倒選手陸陸續續返來，並在鬧市中穿插衝回終點。途人就不停以熱烈掌聲鼓勵參賽者，甚至有不少家屬在終點前等待參賽者出現後攜手一起衝線，場面真的十分感動感人。

Expo賣嘅越野物品多到目不暇給

選手響鎮內穿插，不少選手同等候嘅家人一起衝線

起步點 Courmayeur可謂人山人海

----- 廣告 Ad -----

比賽當日，我們清晨乘坐大會嘅 shuttle bus 到 Courmayeur，沒多久一千多個參加者很快就塞滿了起步區。由於人數眾多，起步要分三個 wave 出發；起步前大會更奏起三個國家嘅國歌，可見賽事嘅隆重性去到那裡。比賽一開始，我地先跑入 Courmayeur 在市鎮裡穿插一番，不少當地居民都有在場拍手、響牛鈴等增加熱鬧氣氛。沒多久我地就開始上山，並且一口氣要上 1200米到達 2500多米高嘅 Tete de le tronche。早上尚算清涼，加上頭段有氣有力，所以還未算很辛苦。而且沿途可看到連綿不絕嘅雪山群，真的令人心曠神怡、忘記煩惱。過了第一座山後大致上都係平路或落斜嘅路段，我就爭取時間慢 jog 了好一會，未幾就到了 cp3瑞士的 Arnouaz。呢度係一個大站，食物選擇較多，亦有醫療、救護等設途協助選手。

開始上山了

好美嘅景緻

靚到一定要停一停影下相

辛辛苦苦上到第二個山，個景雖然好靚，但個人心情就有 d沮喪，幾乎想 “剪帶” 離場

離開 cp3 後就開始上第二座大山 Grand col Ferret ; 上這座山，就真的可以用「痛苦」來形容，3km 路上 700多米，斜度至少有 30 度，全程是不停 Zig Zag 地行上去。當時正值下午時段，陽光猛烈，雖然不時有涼風吹過，然而仍然出了好多汗失了好多鹽，整個人都無氣無力舉步為艱。好不容易先捱到上頂，然而發現自己用了小時 40 分先到這個山頭，頓時有點信心崩潰，好擔心自己未能響 cut off 前到達 cp; 當時心中不禁泛起了退賽嘅念頭，幸好之後有 10km 落斜嘅路追回不少時間。落山後到了另一大站 cp4 La Fouly，我足足休息了二十分鐘，好讓自己稍為冷靜下來，整頓好心情後自己才重新起步向著下一個 cp 出發。

沿途都有清楚標記一定唔會走失

天氣好熱，選手不時要淋水降溫

黃昏景緻優美，不時仲見到唔同嘅野花綻開

嚟到42km 嘅 La Fouly, 真係要好好抖一抖

----- 廣告 Ad -----

Cp 4 後已經是黄昏時間，天色開始轉暗，呢段我地跑入不同嘅小鎮，依然都有不少居民在沿途打氣。佢地更自發為跑手準備不同飲料作補及，連年紀輕輕嘅小朋友們都參與幫忙；為了向佢地表示謝意，每一個小站我都停下來喝他們預備了嘅飲料，亦不時回應小朋友嘅 “give me five”。當地人對待比賽嘅態度真的很不同，完全是鼎力支持無分彼此。不知我們何時可以有此運動及比賽文化？

跑入小鎮，不時見倒當地嘅居民、小朋友為參加者打氣

「打大佬」前嘅 Cp食物相當豐富，補給夠先再起步

補給站都塞滿作息嘅選手

行到最後一個山睇倒日出，心情頓時好返好多

不經不覺來到 56km 嘅 cp 5 Champex Lac ; 到這裡不得不再休息多一會，因為跟著要「打大佬」連續上三個大山，好比我們嘅針草帽一樣，然而比針草帽更高更斜。當時天色已全黑，上山時完全看不到究竟有多遠要走，只是無止境地不停 zig zag 上斜沒完沒了，真的有一份沮喪。盡管到了頂也好，跟著還要大落 600 多米；入夜後落山的話亦不好走，路面頗 technical，沙石多，路也較窄，確是要格外小心。加上是大斜落山，對四頭肌及膝頭有很大負荷；然而我不時提醒自己：逐個山，慢慢過；每過一個山就等於近終點一步；就這樣慢慢地過了兩個山頭；到最後一個山，也是最辛苦嘅一個，好比由比經簡林上鳳凰山一樣，但要連續上四次。

臨落山前見倒 Mont Blanc全相，點都要影返幅相留念

然而上帝早已預備，在試最後一個山 Tete aux vents差不多到頂峰嘅時候正值日出；看著旭日初升，晨曦陽光打照在 Mont Blanc 上，柔和而美麗，迅間又充滿著希望及朝氣，之前嘅疲勞又彷彿一掃而空。最後10km 是落山的路，雖然脚趾已經痛到不得了，但我不停提醒自己終點在望就繼續慢慢地 jog 下去。終於到了 Chamonix 的路口，原來朋友早已在那裡等候著自己。當時真的很感動，不知那裡來嘅能力咬緊牙關向著終點真奔過去。由進入 Chamonix 開始沿途都有不少人熱烈嘅拍掌、吶喊激勵士氣；朋友們陸陸續續加入來陪跑，那時心情真的前所未有地激動；最後我們浩浩蕩蕩地一起衝線，完成了 101km 嘅賽事，時間亦相當的滿意。

臨到終點見倒兩旁觀眾同朋友不停為自己打氣，心中感動

----- 廣告 Ad -----

到左終點，成班朋友大合互相祝賀

今次是自己第一個海外嘅 100km 賽事，很難忘。縱然真的很辛苦(還有痛苦) ，但仍覺得很值得去體驗。現在更加明白自己嘅越野能力還很幼嫩，仍需要多些鍛鍊及操練。他日有所進步作好準備後，必然會更上一層樓，向著終極之旅 UTMB 進發。

得來不易嘅 finisher tee, 真係唔知捨唔捨唔著

張思縈

任職社工，從事戒毒服務已有十八年, 也是一名運動愛好者、旅者以及攝影人；喜歡嘗試新事物，並相信透過參與、實踐更能體驗人生。於 2015 年遠赴北極參加馬拉松，希望以克服極地環境之挑戰，宣揚「走出局限，奔向夢想」之康復訊息，鼓勵康復群體抱緊信念，努力跨越康復道路上所經歷之障礙，堅守康復方向，繼續追求人生所訂立之目標。