無論你係減磅定減肥,最煩同最經常出現嘅問題係:「今餐食乜好?」

雖然話卡路里有數得計,但係單睇數字,根本計算唔到「飽腹感」等重要因素。今次介紹嘅食物,科學研究話啱晒減肥減磅時進食,大家不妨參考下:

1. 雞蛋(Whole Eggs)

Brown-Egg之前文章《5種需要推翻的飲食常識》講過,有新嘅研究指出,雞蛋(包括蛋黃)嘅膽固醇並唔會引致心臟病。而最重要,另有研究話,雞蛋(連雞黃)帶來嘅飽足感,可長達36小時。所以,早餐一隻蛋,絕對可以令你食少其他嘢。而雞蛋嘅高蛋白質,健康嘅脂肪成份,亦可維持你嘅低卡路里飲食。(1, 2)

2. 綠葉蔬菜(Leafy Greens)Leafy-greens綠葉蔬菜如菠菜、卷心菜等,低卡路里以及低碳水化合物,加上高纖維,絕對可以減重。此外,呢啲蔬菜亦含豐富礦物質(特別係鈣)以及維他命,有助燃燒脂肪。(3)

3. 三文魚(Salmon)eating-salmon-bread-sandwich三文魚屬高蛋白質食品,而且佢嘅脂肪雖然含量高,但相當健康。佢含豐富嘅碘,可加強人體代謝嘅運作。鯖魚,鮭魚,沙甸魚,鯡魚和其他類型高脂肪魚類,亦都係好好嘅選擇。(4)

4. 烚薯仔(Boiled Potatoes)boiled potatoes with herb vinaigrette無論係減重或保持健康,薯仔都係十分理想食物。佢含有差不多所有人體所需嘅營養,更有部份其他食品少見嘅營養成份。其中佢含有鉀,可幫助控制血壓。而薯仔嘅飽腹感,更可以令人食得較少,幫助減重。至於薯仔皮,更含有豐富嘅食物纖維。而番薯、蘿白或其他根莖類蔬菜,亦是十分好嘅減磅食物。(5)

5. 吞拿魚(Tuna)
Tuna吞拿魚低卡、高蛋白,只含少量脂肪,相當適合減重時食用。但要注意,若選擇罐裝吞拿魚,不要揀選油浸,應選鹽水浸。

6. 湯(Soups)veggies-fish-033-1024x768飲湯可以減重。有研究話,相同卡路里嘅食物,如用嚟煲湯嘅話,人嘅飽足感會比就咁進食高好多。其中以蔬菜生果煲嘅湯效果最顯著。(6, 7)

7. 果仁(Nuts)7020996-nuts-macro果仁含高脂肪,但佢並唔會直接令人變肥。反而果仁屬於理想嘅減重小食,因為佢含有豐富蛋白質、纖維,以及健康脂肪,能改善人嘅新陳代謝。有研究話,進食果仁會比較健康或輕盈。不過要注意,果仁勿記進食過量,因為佢含有高卡路里。(8, 9)

8. 瘦牛肉與雞胸肉(Lean Beef and Chicken Breast)

Lean Beef舊有對紅肉嘅指控,話佢引起心臟病、糖尿病,以及癌症,已被新嘅科學研究所推翻。而佢哋可以令你減重,完全係因為佢哋含有高蛋白質。大家要注意嘅係,當你增加蛋白質佔每日總卡路里攝取量至25-30%,飢餓感可大減60%(10, 11)。

9. 辣椒(Chili Pepper)hot-peppers-by-IAN-RANSLEY-DESIGN-+-ILLUSTRATION辣椒含有辣椒素(capsaicin)可有效燃燒脂肪。但要注意嘅係,如果有食辣嘢嘅習慣,呢啲辣椒素嘅功效就會大打折扣。(12)

10. 西柚(Grapefruit)grapefruit-food-4178377-1280-1024有研究搵嚟91位過胖人士,叫佢哋喺12個星期內,每日每餐前食半個西柚,結果佢哋平均減磅3.5磅(約1.6公斤)。原因係西柚可降低生長激素,加快新陳代謝等等功效。其實剩係睇個研究結果已經好有說服力啦,係咪?(13)

(待續 — 下次再講第11-20種減重食物)

資料來源:authoritynutrition.com

更多:
減磅時20種最佳食物 (下)
8種致肥的「減肥食品」
5種需要推翻的飲食常識

Fitz Life 生活