行山裝備
喺香港行山,裝備要講求輕巧,呢堆嘢留番明日之後再用啦

行山裝備絕對要輕巧但有用,呢幾樣嘢唔只幫到你,仲絕對係符合呢個要求。而且,仲令人意想不到:

  1. 打火機:你唔食煙唔會喺山野煮飯,但都應該要帶個火機。火機絕對是輕便而重要嘅求生工作。遇到意外,佢可以生火,用嚟取暖,煮食,以至發出警報求救(如整白煙通知直升機位置)。而火亦係良好切割工具。

    Bear Grylls
    你估求生神人Bear Grylls (Man Vs Wild主持),如果手上有個打火機,仲會唔會鑽木取火?
  2. 零食:之前文章《打破謬誤! 要認真思考的行山常識》講過,零食重要性不亞於乾糧食水。要補充嘅係,大熱天時,唔好帶朱古力行山。我真係唔識分朱古力嘅屎,同屎味嘅朱古力。
  3. 衛生巾/護墊:理論上一Team人行山應該要有人帶急救箱。不過我就會帶兩塊衛生巾,佢嘅清毒止血功能同急救用敷料異曲同功,遇到有女隊友急需,仲可以幫下手丫嘛!
  4. 密實袋:一落大雨,你喺山頭野嶺必定濕身。而其中最容易整濕嘅係手機同銀紙。其實,就算唔落雨都最好密實袋袋住部電話,以免畀汗水整濕。而且,行山其實亦唔應該帶平日出街嗰個銀包,拎幾張銀紙、證件,搵個細細地密實袋袋住,就可以上山嘞。

    張相係就舊咗啲。而家當然唔會袋摺機,而係袋埋你嘅尿袋。
    張相係就舊咗啲。而家當然唔會袋摺機,而係袋埋你嘅尿袋。
  5. 大膠袋:記住「自己垃圾自執」。見到郊野有衰人搞到周山垃圾,亦大可發揮大愛精神,幫手執佢哋走。而垃圾最好棄置於馬路邊嘅垃圾桶。

    早前南華早報照到郊野公園畀人搞到咁。相信你行過都會忍唔住,執得幾多執幾多。
    早前南華早報影到郊野公園畀人搞到咁。相信你行過都會忍唔住,執得幾多執幾多。

更多:
打破謬誤-要認真思考的行山常識
山雞其他文章
Fitz Hiking 行山

分享
山雞
十歲登上魔鬼山,二十歲游走大帽大東鳳凰釣魚翁大刀屻。志願有二:生個仔要叫阿山;登上喜馬拉雅山,掛上真普選直幡。