炎夏行山大熱天時行山,講降溫,講涼快,點都唔及有支冰凍嘅水。不過許林唔係7仔,唔會有間喺左近,所以冰水就一定係自己帶。

做法:
1. 拎個空樽,入八成食水;
2. 放入雪櫃一晚
3. 第二朝起行前拎出,再以毛巾包實水樽冰水_002

注意:
1. 記得唔好將空樽入滿水,否則嘅話水變冰會逼爆膠樽
2. 就算用毛巾包住水樽,都會有倒汗水。一係將冰水樽放喺背囊放水袋嘅地方,一係將背囊唔濕得嘅嘢包膠
3. 盡量將冰水樽放喺貼背嘅位置,就可以一路行山,一都嘆冷氣
4. 咪Seafood痕去整寶礦力冰、可樂冰,支冰水嘅用途唔單只飲,仲可以用嚟濕面濕頸濕毛巾降溫,你都唔想成面都係寶礦力啩。
5. 去到山頭,成支嘢仲係冰未飲得?倒少少室溫水入去,搖兩搖咪搞掂囉。冰水_001

一支冰水可以捱幾耐先變熱水?我就試過由馬鞍山出發,由北潭凹行麥徑三段,去到雞公山腳仲嘆到冰水。飲住冰水上雞公山,戰鬥力當然倍增。

雞公山
雞公山400米都唔夠,不過千祈唔好睇小佢,佢又斜又焗,絕對係麥徑最難行嘅山嘅前三位。

更多:
水多人不怪? 行山帶水有學問
山雞其他文章
Fitz Hiking 行山

分享
山雞
十歲登上魔鬼山,二十歲游走大帽大東鳳凰釣魚翁大刀屻。志願有二:生個仔要叫阿山;登上喜馬拉雅山,掛上真普選直幡。