樂施毅行者於5月9日開始報名，不過唔少山友而家已經四出搵腳，籌組「報名敢死隊」，希望可擴大中籤機會。
有山友要搵隊友，就列舉5大條件：
- 目標時間：20小時
- 報名後每個周末都要預留時間操練
- 沒有傷病，體格良好
- 有長跑經驗，甚至參加過全馬
- 單身者優先考慮
我唔知呢位山友搵唔搵到心儀嘅隊友，不過玩過毅行者嘅朋友都明白，毅行最大考驗，並唔係嗰100公里路程，而係4位隊員。由報名開始，點樣備戰、點樣操練，到活動嗰48個鐘又點樣守望相助。呢方面，已經唔係體力同技術嘅問題，而係待人同處事嘅技巧。
有電視節目叫「跟住矛盾去旅行」，計我話每一Team毅行，其實都係「跟住矛盾」而行。每一個人都有佢自己喜好，自己堅持，一team四個人，點樣去協調點樣去互相遷就，點樣去化解矛盾。面對嘅困難，比起嗰兩位所謂「充滿矛盾」嘅名人去幾日旅行，肯定差天拱地！
總之，乜都假，報名成功先講。
好事之徒話最夢幻嘅「矛盾毅行Team」就係呢一家四口 (唔計最左邊嗰位)。樂施會可以考慮邀請佢哋一齊行喎。
按：樂施毅行者2016會喺5月9日開始報名，6月6日公佈抽籤結果。
更多：
Fitz.hk Facebook專頁
[紅過發哥] 山界明星狗波比仔
行山也會中毒?
Fitz Hiking 行山
十歲登上魔鬼山，二十歲游走大帽大東鳳凰釣魚翁大刀屻。志願有二：生個仔要叫阿山；登上喜馬拉雅山，掛上真普選直幡。
