[郁民教室] 水袋發霉點洗?

行山用水袋，有好多原因會搞到佢生青苔。例如行完山返到屋企無即刻洗 (特別係放咗啲電解飲料)，又或者未晾乾就收埋佢。總之，平時打理唔好，行山前一晚執野發生覺唔用得，已經為時已晚！

以下呢個方法由我老友位家務助理提供，佢幫佢老闆洗咗唔少水袋，經驗豐富。

1. 用完第一時間浸水：行完山返屋企，將袋中以及喉管入面嘅水倒晒，然後用清水浸一浸。
2. 將水袋所有拆得開嘅部份都拆開，然後沖水。如果無發現有咩發霉或污跡，就唔使落清潔劑。
3. 掛起水袋，滴乾入面嘅水。目的係用盡一切方法，務求令水袋任何部份都唔會積水。
4. 用毛巾包好，放入廚櫃，留待下次用。
5. 遇到水袋有污跡，或有青苔，可在浸水時加啲1:99漂白水，或白醋，或小蘇打，浸15-30分鐘。
6. 飲水膠管有跡，除咗浸漂白水外，亦可用百幾蚊支嘅專用刷，將喉管刷乾淨。不過我為人慳，我會將鐵線衣架拆開，成為一支長鐵線，再用鐵線頭縛一小塊白潔布，塞入膠管內清洗。基本上，浸完漂白水後，啲污跡一抹就甩。

總之記住收埋水袋時千祈唔好留有水份，唔係發咗霉真係幾難洗。

更多：
Fitz.hk Facebook 專頁
[鉛水都唔驚] 殺菌+過濾 旅行遠足超強水樽
水多人不怪? 行山帶水有學問
Fitz Hiking 行山