古語有云:「若有人不知,唔好上fb。」

有渣馬義工喺facebook一次過show咗四個全馬獎牌出嚟,仲叫大家想要就下年做義工,結果梗係激嬲咗無數跑手 。(小編按:半日後,有關網站聲稱獎牌只是借回來拍照,並不是從「其他途徑」獲得)

講獎牌,渣馬嗰個論設計論難拎程度,實屬普通之選,而最近令女跑手特別關注嘅獎牌(或叫獎品),相信係名古屋女子馬拉松送嗰條Tiffany頸鍊!女跑手諗住條頸鍊嚟跑,唔知會唔會跑得快啲呢?不過,如果miss咗呢次賽事都唔緊要,因為三藩市華盛頓嘅女子半馬拉松,跑完後都送呢間公司嘅頸鍊架!

Tiffany 馬拉松

Tiffany 馬拉松

而講矜貴,就一定係世界六大馬拉松嘅獎牌。獎牌可貴之處,在於佢哋嘅歷史悠久,參加者眾,想成為跑手都唔容易,更何況完成比賽拎到個獎牌?

倫敦馬拉松倫敦馬拉松

東京馬拉松東京馬拉松

柏林馬拉松柏林馬拉松

波士頓馬拉松波士頓馬拉松

紐約馬拉松紐約馬拉松

芝加哥馬拉松芝加哥馬拉松

不過,有位高人講過佢收過最特別嘅馬拉松完成獎品,並唔係獎牌或者頸鍊,而係哈蜜瓜!日本靜岡縣嘅袋井馬拉松,會喺終點派發當地盛產嘅哈蜜瓜,每個價值二萬日元(約千三港幣)!可惜只可食番一兩片,唔可以成個拎走…不過有靚靚哈蜜瓜,點都好過食生香蕉!

袋井馬拉松

更多:
Fitz跑步文章
台灣 Line Game Run
一個為我甘去每日跑9km的女人