[獅子山精神隊] 轉個彎就到隊Peter 毅行初哥…哥 (毅行倒數第八日)

小弟悠悠閒閒行山就試過。毅行，咩黎㗎?

前年開始聽到不同的人講行毅行100K嘅經歷，有幾辛苦，又冇涼冲，又行到好似靈魂出竅，奇妙地唔知點解今年呻完，下年又再報名參加。吹到好似要玩過「一生人一次」先叫去過 O Camp (玩過就會笑)，所以去年已打算體驗一下佢吸引佢地嘅地方。

但點解今年先參加? 原本舊年計劃同舊同事鈞哥、Wind哥同潘潘組隊行，但因剛轉工的關係，而沒有報名參加。剛巧今年時間許可，心裡打算一齊行，誰知他們已各自帶一隊伍。

咁就感謝隊長鈞哥讓小弟這個毅行初哥加入，希望唔會拖累大家。每個星期的練習都很充實，每每行到20k..30k 都有人拗柴，有人抽筋，有人 ITB 發作，但大家都不會埋怨，互相鼓勵，練習後幾日都行動不便，特別係上落樓梯。

呢d莫非就係 Team Spirit。也許雙㘭很難，轉個彎就到隊一定可以四人同步去完成目標時間。臨近比賽日子，開始執野比 support，突然緊張起來。

毅行完左有機會再寫感想俾大家，證實一下係咪一生人一次。大家加油!

我隊「轉個彎就到」係 Team 0973 請多多支持

撰文: Peter

>> 更多獅子山精神隊的故事，見《[獅子山精神隊] 一件tee 一個故事》

有一班行山友叫「獅子山」Facebook專頁

Fitz連結: https://fitz.hk/?p=107075