婦女動力基金 HERFund 透過撥款去資助不同類型的組織,追求公義、平等。各個團體並非各自為政,閉門造車。反而,團體之間由於透過 HERFund 的「撮合」,甚至可以一起合作,一同成長。

這一次,天水圍的婦女組織,就跟一個性別平權團體擦出火花。

人稱「阿靚」的鍾婉儀,是天水圍社區發展網絡總幹事。這一天跟她做訪問之前,我按捺不住,說了一個我個人的經歷:


N年前,筆者初為人父,為了兼顧照顧小朋友與工作,便計劃將女兒送到托兒所,以便日間照常上班。但是,我到了地區唯一一間日間托兒所報名,得到的回覆就是:

「我哋呢度要排隊,大概兩年至三年……」

三歲後,小朋友要上幼稚園,那時還需要托兒嗎?

天水圍社區發展網絡總幹事 阿靚

買餸都要講同理心

托兒服務,並非單純是社區問題,更是一個性別問題。香港仍是一個傳統社會,母親還要肩負照顧子女的責任。托兒服務不足,逼使主婦留在家中,不能外出工作。

阿靚就對這些問題看得更為深刻。

「我哋天水圍主婦嘅圈子真係好細。你話要拖個小朋友去搭西鐵,啲人會話你個小朋友嘈住晒,話你唔識湊仔。其實,我想生個馬騮咩!」

「試過有次喺金鐘站,細囡坐喺BB車,我雙手抱住大囡。有位地鐵職員叫我收埋部BB車!我得兩隻手,仲點可以抱多個呀! 我嗰陣我真係嬲到喊。點解啲人可以咁無同理心?」

交通問題,托兒問題,甚至是街市的價格問題,都源於政府失責,社會缺乏同理心。這一切,令這位天水圍師奶更加覺得需要走出來,團結街坊一起對抗不公平待遇。

這個過程,令這群天水圍師奶,明白到社區問題,其實是平等和公平待遇的問題。

PrideLab成員 陳驚

同志 VS 師奶

表面上,兩個組織所關注的議題南轅北徹,好像沒有合作空間。其實,他們相識於一個性別平權會議 (反轉會議@香港2017)。之後,PrideLab 向HER Fund申請撥款「連結性/別」學習平台計劃 ,就找來天水圍社區發展網絡參與其中。PrideLab的陳驚介紹了這個計劃:

「我哋本身希望透過拍攝、設計等等嘅作品,去探討我哋身份認同,包括性別定型問題。而我哋發現性別問題,唔單止包括性傾向,仲包括一啲性別嘅組織,正如婦女組織。」

這個LGBT+ 性小眾友善組織,透過各種藝術形式對公眾宣揚平等訊息。陳驚強調,希望利用他們擁有的技能,透過這個計劃,能與其他團體磨合。

阿靚補充:「我哋唔識咩Facebook、Instagram、拍片呀,佢哋會教我哋去做好啲自己嘅網頁。而天水圍班街坊有啲識得整腐乳,有啲識得茶粿。咁大家可以交換一下技能,互相得益。」

天水圍社區發展網絡與 PrideLab 在平權活動中開始結緣

最令筆者難以理解,就是同志與師奶,是否「啱咀型」呢?

陳驚說,同志在人生中要面對一個難關,就是向家人說「出櫃」。透過與「阿靚」的交流,正正可以找到更多方法,去跟家人商議。

另一方面,阿靚接觸過不少街坊婦女的兒女,也是同志。而師奶圈子裏,也需要多了解同志。

不過,阿靚與陳驚異口同聲表示,無論婦女問題,還是同志平權問題,其實都是追求公義。而這個理想,亦與 HER Fund 的理念如出一轍。

「咁我哋呢啲咁細嘅團體,其他大型基金未必理我哋。HER Fund 反而好適合我哋。」阿靚說。

陳驚補充,HER Fund 在撥款之外,亦會為各組織提供培訓以及技術上支援,令他們這些小組織,得以成長。

我們實在太慣常用金錢去判定價值,其實關懷與支援,更是難能可貴。

HER Fund一直以來與團體同行,推動性別平等
立即報名參加 SHERO WALK 慈善步行

詳情:https://fitz.hk/?p=86695
報名:https://goo.gl/ThkAVg

婦女動力基金 HER Fund 網頁
HER Fund 婦女動力基金 Facebook專頁
PrideLab.hk Facebook 專頁

天水圍社區發展網絡 Facebook 專頁

撰文: 家聯

廣告
Fitz
我哋坐唔定、無時停,唔做運動唔舒服! 只要係有用知識、重要資訊,以至好玩話題,Fitz.hk都會全力搜羅,同時鼓勵「郁民」齊齊參與,打造一個開放嘅運動生活資訊平台。