做運動之前及之後真係要熱身，令到肌肉伸展，防止受傷。之前有個 friend 打籃球時，由於熱身不足，係一個防守落地轉身時，咁就「拍」一聲，斷咗阿基里斯肌腱，痛到不能言語，無得打比賽事小，佢成半年出入都一拐一拐地走，見到都傷心。搞到我宜家跑步不容忽視一個重要的 5-10 分鐘 warm up 及 cool down。
大家除咗運動前的熱身，平日都要做多啲拉筋，連籃球巨星高比拜仁都話：Stretch! stretch stretch! 所以做一個唔易受傷嘅運動員，要食有營養健康食品及飲食均衡，段練體力及肌肉，加上熱身和平時的拉筋努力，才是王道。
其實每逢有大型馬拉松比賽，各大傳媒都會訪問醫生及物理治療師講解熱身三大好處，第一升高體溫，第二係改善神經肌肉功能，第三係減少運動傷害的可能性。體溫升高後血紅素釋放氧嘅能力增強，加速了新陳代謝，釋放能量多咗，肌肉有效地收縮，加強了靈活及敏感度，靱帶的延伸性也由於體溫高了而拉長了，咁就可以減少了拉傷的可能性。仲話可以集中注意力及緩和焦慮緊張情緒，達成更佳PB。
我咪來來去去都係由頭做到落腳，每個保持住或做10下:
- 頭部上下左右保持
- 右手伸直，左手托右手踭位，拉向自己方向，還原後換手做
- 挺胸直腰，雙手放後，手臂伸直，慢慢上提，再還原
- 雙腳張開至與肩同寬，上身往右轉，身體保持挺直眼望左腳踭，還原後換轉做
- 雙腳張開至與見同寬，上身往右彎下，身體保持挺直，以腰力向下壓
- 將小腿摺起，用相反的手將腳跟拉近臀部，伸展大腿肌肉
- 弓箭步，左右交替做
- 半蹲
- 旋轉腳跟
每次做這組熱身運動便剛好出汗，我才去跑過痛快! 有幸出年年頭個馬拉松派到彩，未來幾個月，真的要加把勁努力練習，以及尋找一啲有營養健康食品增強力量，完成來年第一個挑戰。
更多：
Fitz Facebook專頁
我哋坐唔定、無時停，唔做運動唔舒服! 只要係有用知識、重要資訊，以至好玩話題，Fitz都會全力搜羅，同時鼓勵「郁民」齊齊參與，打造一個開放嘅運動生活資訊平台。
