之前分享過 天幕點選擇，但天幕都仲有好多形狀，究竟唔同形狀有咩分別呢?
P.S. 示意圖全為網上圖片，如有侵權請通知刪除
長/正方形
最普遍嘅形狀，遮光範圍最大，但同時最食風又最重，勝在無需 design，只需要布上打雞眼就可以做到
六角形
Based on 方形，將方形中間前後拉長，好處係可令個天幕更大而重量唔係加好多，可用盡中間方形空間而唔會俾 pole 佔用。
----- 廣告 Ad -----
蝶形
Based on 六角形，偷輕咗兩邊嘅重量，而長度不變，好處係側風無咁食、靚，但變相範圍細咗，同樣嘅4*3 ，根本無12平方米。
八角形
Based on 六角形，不過再由中間再拉長，遮光範圍更廣，如果有用 side pole 或紮樹，效果更佳! 同時八角形可輕易變形為金仔，多一個玩法。
多邊形
多邊形好睇 designer concept，有啲好無聊，有啲好實用，玩味居多。
雙尖
與其話佢係天幕，反而稱為帳幕比較適合。空間大，大風可閂門，天熱可開門做對流通風，不過對枝 pole要求就高好多。
天幕唔單止要睇形狀，仲要睇多啲 detail 位，如某牌的天幕角有風繩收納袋，另一牌天幕底係有俾你穿天花繩嘅位，仲有好多唔同牌子都有唔同特色，祝大家會搵到一塊心儀嘅 fly。
老hike都去camp
80後老hike一名 對行山、露營有少許認識 Msr fans，極憎nh(世界第一) 為人暴躁，仇口多，方向感差，對攝影、電子科技係屬垃圾級別